雅虎香港新聞 大角咀美食︱蚊型小店馬來椰爺！自炒無味精叻沙醬摻摻+惹味叄巴咖喱湯麵
大角咀這間小店「馬來椰爺」，兩位八十後店主花近兩年時間研發無味精的叻沙湯底，店主Steve拍心口話，飲完一定不會涸喉！
「我哋逢星期一唔開舖，唔係休息，而係返舖頭炒醬。」店主Steve
對叻沙總是又愛又恨，愛它香濃複雜，椰香奶香辣香油香蝦香，五味紛陳，但遇到質素參差的，一味落重椰奶及辣味，湯面油油，味道沒錯是足夠，湯卻重口味得涸喉，單飲都口渴，配料味道也被搶去。大角咀這間座位僅十個的小店「馬來椰爺」，兩位八十後店主正有此想法，花近兩年時間研發無味精的叻沙湯底，店主Steve拍心口話，飲完一定不會涸喉！
【立即讚好】全新 Yahoo Food Facebook 專頁
一日九小時 只炒到三樽叻沙醬
「大家對叻沙的要求都是湯底要夠味，無論咩味都好，一定要夠濃。如果要有效做到，的確，加味精係最快方法。」但店主Steve本身對味精敏感：「一食得多味精，成個人就全身唔舒服。」激發起他和拍檔Edwin研究煮出零味精湯底叻沙。全無飲食業背景的二人 由自製手工醬料開始，希望由叻沙醬著手。自己上網搵食譜，又問身邊朋友的馬來西亞親戚：「配方真的改了有過百次。」Edwin說。
最後得出現時秘方，做法是先把十多種材料包括新鮮香茅、乾蔥、蝦米、鮮蝦及東南亞香料量好，切好，重頭戲是用足夠猛火力爆炒，把香味逼出，混合，最後還要放涼醬料，發酵，讓醬料的味道自己吸收，全程最少九小時。「我哋逢星期一唔開舖，唔係休息，而係返舖頭炒醬。」Steve說，就算忙足一整日，最多也是炒到三至四大樽。用完醬就要炒過，試過好生意時，打烊前就耗清醬料，翌日都要加工補醬。
店王牌 軟殼蟹叻沙湯麵
叻沙醬落足心機煮，必試一款招牌「叻沙湯麵」，以熬過金沙骨的湯汁及椰奶煮開叻沙醬，配芽菜、新加坡魚蛋、豆卜及青瓜絲。湯麵配料有四款(煙鴨胸、肥牛、虎蝦海鮮、炸軟殼蟹)，當中以即叫即炸的軟殼蟹最受歡迎，配摻摻食，吃前先呷一啖湯底，蝦香椰香平衡，不會互搶，香茅及香料味一齊爆發，層次豐富卻不油膩。油麵米粉吸了湯汁精華，根本不會不好吃。吃得重口味的可試「咖哩叻沙」，咖哩醬煮法與叻沙相近，只是當中香料成分不同。愛辣的則可叫「檳城白咖哩」，每碗附一小匙自製的叄巴醬，越吃越有辣勁。
自製香蕉斑蘭醬
Steve和Edwin重視自製醬料，連甜品「咖央多」的咖央醬也是以班蘭及香蕉打成，不會吃到成口砂糖，卻香甜有層次。還有「炸香蕉」也很受熟客歡迎，香蕉不是蘸一層炸分就落鑊炸，蘸粉過程中有不能透露的步驟，令香蕉炸出來外脆內軟，卻不會太油膩。食得飽飽，飲多啖芒果班蘭椰汁冰，肥啲都值得。
馬來椰爺
地址：大角咀櫸樹街62號富多來商場2期地下14號舖(地圖按此)
電話：51298887
全新訂座平台「Yahoo訂餐廳×Openrice」正式上線！
更多大角咀美食推介
大角咀美食｜大角咀新開「田浦食肉」主打地道韓式燒肉！ 招牌烤豬肉套餐/烤牛排骨/雞蛋羹
大角咀志光麵檔明年初結業！高質薑湯豬膶米+醉雞卷Last Call 店主:已燃盡自己所有
自助餐優惠｜大角咀60分鐘素食自助餐半價低至每位$34 外賣任選菜式餐盒只需$30
大角咀美食│清新café任坐不設時限！店主：客人都很體貼及自律
大角咀美食│台式火鍋放題店犇殿新推一人鍋！二人豪華下午茶+台式定食
大角嘴美食│良心餃子店$10四隻爆餡煎餃！疫情下每月蝕錢堅持不加價
【大角咀美食】浪漫韓式咖啡店My Ahjussi 咖啡師唇語解讀幸福秘方
【大角咀美食】晚市$38/碗酸菜魚？二人份量 每枱限叫一份！
【大角咀美食】Lunch午餐推介5間：咖哩牛坑腩麵+即包山東墨魚餃+迷你麻辣香鍋
【大角咀美食】抵食印度素菜館！$20印度煎餅？店主：捱唔到就可能唔做
【大角咀美食】超平民隱世壽司店！$22海膽壽司+$9三文魚腩壽司
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
