雅虎香港新聞 灣仔美食︱抵食港式鐵板扒店「滿地餐廳」 $88食到Prime牛柳餐
百物騰貴，以往是快餐店價錢稍貴就食到的港式鐵板餐，今時今日落街望望，原來都已經要近百元一份。如果你是食肉獸就要留意以下這間灣仔新店，其鐵板餐套餐最平$76就食到招牌雜扒餐，$88就食到美國prime grade牛柳，賣點是跟餐的頭盤及前菜都不是行貨的烚意粉，或無誠意薯角，黃昏六點前還要免加一，認真抵食。
【立即讚好】全新 Yahoo Food Facebook 專頁
港式平民扒房 竟然有藝術品睇？
未講食物，環境先有驚喜。餐廳入口處放置了一個1：1大的模型figure，有留意開潮流玩具界的不會陌生，是出自本地著名藝術家Michael Lau的手筆，聽說是店主的私人珍藏，屬價值六位數字的藝術品，此外餐廳牆上也掛了不少藝術畫作，座位坐得舒服，光猛企理，絕非舊派鐵板餐廳的裝修。
最抵食！ $88美國Prime Grade牛柳餐
說回鐵板餐，共十款，大路款式齊全如牛柳、羊扒、封門柳、西冷、牛肩扒及黑豚豬，賣點之一是頭盤及配菜非常有誠意，頭盤除了傳統羅宋湯，竟然有大大隻煮青口及海蝦揀！比吃慣的港式扒餐揼本得多。主菜最抵食是一款招牌牛柳($88)，用上USDA Prime 級別的牛柳，餐廳刻意選近牛胸腹位的牛柳條，油份更多也更軟腍。
牛扒成熟度有三，五，七，八，全屬五種可揀，選五成熟，牛肉切開時還帶粉紅色，輕壓滲油，入口牛香油香混雜，性價比非常高！醬料是自助形式，有羅勒、蒜蓉、燒汁、BBQ、黑松露蒜蓉汁可揀，選擇豐富。伴碟配菜也不隨便，竟然找到日式咖哩飯、紫菜飯及香草醬意粉。整體而言，食物沒有驚為天人卻有水準，細節位看得出心機誠意，套餐平均$80/份，就灣仔商業區而言，會是lunch time好去處吧。
滿地餐廳
地址：灣仔天樂里3-5A號僑康大廈地下C號舖(地圖按此)
電話：26600127
全新訂座平台「Yahoo訂餐廳×Openrice」正式上線！
更多灣仔美食推介
灣仔美食│灣仔午餐必食推介5間！新景園咖喱豬扒飯/米芝蓮越南牛河/川式點心放題
Baked灣仔開分店！中環超人氣Brunch 必試肉丸、牛扒酸種麵包+高質肉桂卷
灣仔美食｜全新AKI酒店餐廳TAMGRAM！Happyhour買1送1優惠/創新日本x西班牙Japas
灣仔美食│潮州人灣仔開分店！太子小店名物花膠撈米、大蜆湯米粉 7月進駐港島
灣仔美食｜越南人主理！生牛肉河牛骨湯底熬足十六小時 家庭秘方豬油炒香料
灣仔甜品│30年晶晶甜品搬店後即遇第五波 店主：每日都係打擊 但都要頂硬上
灣仔美食│十兄弟車仔麵店推$9隻鮑魚 必點招牌慢煮牛坑腩+彈牙牛筋
傳統美國菜Dan Ryan's Chicago Grill登陸灣仔利東街 上等和牛漢堡包/自家製醬汁/限定免費炭烤8安士牛扒
Mercato Gourmet灣仔重開！蔡瀾至愛意大利食材店 必買意大利紅蝦＋火腿芝士
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載
