雅虎香港新聞 灣仔美食│十兄弟車仔麵店推$9隻鮑魚 必點招牌慢煮牛坑腩+彈牙牛筋
港式牛腩吃得多，煮法離不開傳統的炆煮，但因為牛腩長時間加熱，有order時才上枱侍客，肉質難免變嚡，更甚者一夾即散，抹殺了牛肉的本味及質感。灣仔開業數月的十兄弟車仔麵店一反傳統，以西廚常用的慢煮炮製牛腩，前期處理功夫落足心機，嗜牛肉者不會失望。小店早排更推出$9/隻的鮑魚優惠，叫一碗車仔麵便可以優惠價落order，每人限叫2隻鮑魚，即是加$18，車仔麵即時升格！
【立即讚好】全新 Yahoo Food Facebook 專頁
限時優惠 $9隻彈牙鮑魚
店名為「十兄弟」，因為店主中有人從事食品批發，有相熟供應商，店中所用的牛腩、雞翼、丸類甚至蔬菜等都有穩定供應，也因此趁新店推出$9/隻的鮑魚優惠，用6頭大的罐頭鮑，以原罐鮑汁加上湯炆煮至入味，鮑魚隻隻彈牙煙韌又夠甜。老闆坦言優惠屬推廣性質，因此每人只限叫2隻，也只限跟車仔麵叫(單叫$28/2隻)，優惠期暫定2個月。
招牌慢煮牛坑腩 彈牙牛筋
鮑魚是錦上添花，牛腩才是小店主角。賣相已經可靠，切成一件件沒有散開，色深不淡，件件有肉連筋膜，有此效果，原來用的是牛坑腩，店主說牛腩取骨與骨中間的肉位，俾足時間解凍，先以低溫慢煮大概1小時，再用自己調製的柱喉汁炆煮入味，柱喉汁加了大量南乳調成，待柱喉汁慢慢揮發，牛腩煮至入味即成，肉質不會過嚡。
牛筋更複雜，條條粗切，夾起已經知道夠腍夠膠質，洗淨，汆水都不會慳功夫，入口大大件口感一流，Q彈微微黏口，索了腩汁更香甜，建議叫一碗「牛四寶」，一次過試齊牛坑腩、牛筋、金錢肚及爆汁牛丸。
小食推介 麻辣蓮藕
牛腩牛筋及鮑魚外，其它配料共50款之多，也不乏心機食材，簡單如油麵也是由工場送來，比平時吃到的新鮮爽韌；麻辣蓮藕，單點當餸食，切得厚薄適中，麻辣汁以多種辣椒調成，爽脆重麻香。當然還有辣菜脯，自家炒，加了額外的欖菜撈成，加些少錢，連鮑魚及牛腩牛筋，這碗車仔麵，絕對是心機之作。
全新訂座平台「Yahoo訂餐廳×Openrice」正式上線！
十兄弟車仔麵
地址：灣仔春園街春園街16號(地圖按此)
電話：62261886
更多灣仔美食推介
傳統美國菜Dan Ryan's Chicago Grill登陸灣仔利東街 上等和牛漢堡包/自家製醬汁/限定免費炭烤8安士牛扒
Mercato Gourmet灣仔重開！蔡瀾至愛意大利食材店 必買意大利紅蝦＋火腿芝士
灣仔美食｜The Baker & The Bottleman 米芝蓮一星Roganic班底開設烘焙店＋Winebar
灣仔美食｜船街手工中菜酒家船記 $98食軟腍叉燒+超香雞油花雕蒸海中蝦配稻庭烏冬
【灣仔美食】午餐必食推介5間：新景園咖喱豬扒飯+米芝蓮越南牛河+正宗喇沙
灣仔美食│加國名校回流！28歲金融人橫街賣飯盒：我唔覺有問題喎
灣仔美食│型格全黑café Revol！自調咖啡做bagel 必試紅菜頭貓耳朵意粉
【灣仔美食】棄百萬年薪60歲轉行賣牛腩河 老闆：年齡從來唔係問題
【灣仔美食】親兄弟上場日做14小時磨腸粉 特製黑米紅米腸粉日賣300份
【灣仔美食】香港書展灣仔美食推介10間！全球50大漢堡店/$20牛角包/日式蛋包飯
【灣仔美食】米芝蓮一星中菜廳明閣開分店！名廚回歸 $198食3道菜商務午餐
St Regis首開業兩間餐廳即奪米芝蓮！中菜廳潤+法餐廳L'Envol齊摘一星
【灣仔美食】午餐必食推介5間：新景園咖喱豬扒飯+米芝蓮越南牛河+正宗喇沙
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載
