雅虎香港新聞 移民英國懶人包丨居英港人分享10樣不帶會後悔的必帶物品！成藥看門口/中菜恩物真空煲/連M巾都要帶？
近年，不少港人選擇移居英國，當中執拾移居行李是一大學問！最近有準移居港人於Facebook群組「食在英國 超市好物 / 飲食情報分享區」以「有咩野一定要從香港帶黎？不帶會後悔的？」為題，詢問一眾居英港人的意見，今次就綜合眾人意見，結集成10件移居英國必須要帶的東西，讓準備移居英國的各位參考一下，以免帶漏當地買唔到、運費又貴！
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
1. 英磅
錢為最基本及最有用的必需品，即使帶漏其他用品，都可以在當地買到同類型的產品。
2. 衛生巾
英國本土出產的衛生巾選擇不多，剪裁不太適合亞洲人，好多港人表示用唔慣英國售賣的衛生巾，甚至覺得唔好用，所以不少人選擇由香港帶到英國！
3. 成藥
除非病情嚴重，當地醫生甚少開藥，大多叮囑病人多喝水、多休息。因此大家最好準備看門口藥，而港人用開的成藥，英國未必買到，即使買到都比香港貴，因此出發前記得帶定足夠成藥看門口！
4. 真空煲、電飯煲
對於食開中餐長大的港人，即使移居英國都會在家自行烹調中菜，因此功能齊全的真空煲及電飯煲絕對是必需品。但英國售賣的真空煲、電飯煲選擇及功能都較少，所以不少人選擇由香港帶到英國！
5. 藥材、湯料
雖中式超市都有藥材和湯料，但選擇少兼價錢貴，尤如是偏門湯料如新鮮龍利葉、石黃皮等，更加需要自己帶到英國。
6. Tempo紙巾
事實上，當地餐廳及學校均有紙巾提供，在英國用到袋裝紙巾機會較少。坊間袋裝紙巾選擇少、價錢貴、紙質不算好，還是帶Tempo紙巾！
7. 口罩
英國口罩供應不及香港隱定充足，價錢亦比香港貴，所以記得帶多點去英國。
8. 家居拖鞋
大部份英國人都沒有入屋除鞋的習慣，所以當地家居拖鞋款式少，價錢貴，如果想在家著對高質靚家居拖鞋，最好自己帶去。
9. 枕頭、床單
床上用品直接影響睡眠質素，尤其是枕頭，買錯枕頭隨時頭痛又頸痛，預期要花時間選購一個合適的枕頭，不少人都會直接帶用開的床上用品到英國！
10. 清熱酷
事實上，當地可買到大部份食材，唯獨清熱酷真是較難買到！清熱酷作為港人新一代涼茶，食得熱氣野多，點都要帶住傍身清熱氣！
更多相關文章
移民英國懶人包丨居英港人分享 移民常見問題Q&A — 醫療篇！醫保IHS及NHS點分/保費幾多幾時支付/看門口必備藥推介
移民英國懶人包丨居英港人分享 移民常見問題Q&A — 交通篇：轉英國車牌要重考嗎？P牌點算？買車有咩需要注意？
移民英國懶人包丨居英港人分享 移民常見問題Q&A — 租屋篇 租屋過程要幾耐？按金點計？有無辦法去到就有屋住?
移民英國懶人包丨居英港人分享 移民常見問題Q&A — 工作篇：點搵工？咩工最易搵？最低工資夠唔夠養起成家？
更多移民故事
移民英國丨考慮三天即決定舉家移民 港媽棄老本行轉當Youtuber：為下一代無悔出走
移民加拿大丨港夫婦三大原因棄英移加 裸辭帶4隻唐狗撲機位 分享隔岸租屋貼士：不要被相片吸引
移民加拿大丨90後情侶闖蕩加國 離鄉別井理想與現實 無悔為移民重新讀書住郊區：更學識享受生活
移居泰國丨80後港男移居曼谷創業 唔使50萬轉行當物管老闆：最重要是歸零心態
移居泰國丨港夫婦「精英簽證」帶狗狗移民 唔使百萬港元清邁置業！住二千呎兩層獨立屋
