雅虎香港新聞 移民英國懶人包丨居英港人分享 移民常見問題Q&A — 煮食篇！邊間超市最平？中式超市有咩買？廚房必備小電器
不少港人都擔心移居英國後，無法吃到香港家常菜，又或無法適應截然不同的飲食習慣！今次繼續綜合居英港人「JC in UK 英倫生活記」的移居經驗，了解下當地超市情況，究竟買餸價錢比香港平定貴？當地中式超市買唔買到香港食材？豬肉各部位的英文名叫咩？以至英國廚房必備小電器等，希望大家能煮出令人懷念的家鄉菜！
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
1. 英國超市選擇多嗎？
英國超巿選擇眾多，定位及價位都有所不同，如貴價超市有Waitrose、M&S，食材夠新鮮；出名平價的有主打急凍食品的Iceland、以及德國平價超巿aldi及lidi。
相關文章：英國超巿大比併
2. 邊間超市最平？
跟據英國消費者委員會「Which？」 的最新2022年4月英國超巿價格比較報告，報告分別購買18及63項日常食品，如包括雞蛋、意粉、茶包等，前者以Lidl的25.92鎊為最低、後者以Asda的132.81鎊為最低。JC表示德國平價超巿Lidl的肉類及生果質素很不錯，價錢亦非常抵；而Asda屬於美國walmart 集團，貨品種類多，由新鮮食品到日用品、電器、衣服都一應俱全，缺點是生果質素一般。
相關文章：英國邊間超巿最平？？
3. 食材英國定香港貴？
JC表示普遍來說，當地食品都比香港平及新鮮，亦有急凍食品，亞洲入口食品則比香港的貴。她選出13種最常購買的食材，再以ASDA及HKTVmall的價錢作比較，包括泰國米、雞蛋、豬扒、果汁、牛奶等，價錢全都比香港平。
相關文章：香港 VS UK 超巿買餸大比拼
4. 豬肉各部份英文名叫咩？
豬肉部位眾多，平時用來煲湯或製作叉燒的豬肉又叫咩名呢？JC列出豬肉各個部位的中英文名稱，如Pork Belly五花腩、Pork Boneless Leg Roast去骨豬脾肉，而Pork Shoulder / Shoulder Steak豬肩肉可用來做叉燒、Fillet瘦肉可煲湯等。另不少人表示英國豬肉有騷味，JC亦教大家如何去除豬騷味。
相關文章：英國買豬肉的類別，及如何去除豬騷味
5. 中式超市有咩買？
要煮出香港家常菜，亞洲食材當然唔少得，JC所住的城巿，有3間中式超巿，亦不時到倫敦北的榮業行入貨。她選出最常買的十樣商品，包括香港製造出前一丁、韓國即食麵、湯料湯包、乾烏冬及烏冬汁、牛腩及肥牛等，另有其他港人熟悉的食品如臘腸、維他檸檬茶、菜心、芥蘭、鹹魚、海味等，唔怕煮唔出香港味道。
相關文章：英國的中式超巿必買系列!
6. 英國廚房必備小電器
要煮好菜，除了食材，廚具亦好重要。JC亦列出12大英國廚房必備小電器，包括飯煲、壓力煲、氣炸鍋、抽真空機、大冰櫃、慢煮棒、切肉機等，大家可從香港帶過去或在當地買，值得大家參考。
相關文章：十二大英國廚房必備小電器
文章轉載授權自：
Blog JC in UK 英倫生活記 https://jcinuk.blogspot.com/
及Facebook Page: https://www.facebook.com/JasperXJayden
更多相關文章
移民英國懶人包丨居英港人分享 移民常見問題Q&A — 醫療篇！醫保IHS及NHS點分/保費幾多幾時支付/看門口必備藥推介
移民英國懶人包丨居英港人分享 移民常見問題Q&A — 交通篇：轉英國車牌要重考嗎？P牌點算？買車有咩需要注意？
移民英國懶人包丨居英港人分享 移民常見問題Q&A — 租屋篇 租屋過程要幾耐？按金點計？有無辦法去到就有屋住?
移民英國懶人包丨居英港人分享 移民常見問題Q&A — 工作篇：點搵工？咩工最易搵？最低工資夠唔夠養起成家？
更多移民故事
移民加拿大丨90後情侶闖蕩加國 離鄉別井理想與現實 無悔為移民重新讀書住郊區：更學識享受生活
移居泰國丨80後港男移居曼谷創業 唔使50萬轉行當物管老闆：最重要是歸零心態
移居泰國丨港夫婦「精英簽證」帶狗狗移民 唔使百萬港元清邁置業！住二千呎兩層獨立屋
