【移民瑞士】搵工注重專業多於學歷 港妻轉做「斜槓族」Slasher發展多職人生

·6 分鐘文章
【移民瑞士】搵工注重專業多於學歷 港妻轉做「斜槓族」Slasher發展多職人生
【移民瑞士】搵工注重專業多於學歷 港妻轉做「斜槓族」Slasher發展多職人生

在眾多移民國家選擇之中,相信瑞士不會是大部份香港人Top 10 之內。因為提起瑞士,除了聯想到山區肺和三角朱古力之外,就只剩下什麼都好貴的印象。Vanlisa為愛情放棄舞蹈員的身份,5 年前結束異地戀嫁到瑞士做人妻,今次就同大家分享當地衣食住行生活開支和移民貼士。

更多移民故事及小貼士

結婚簽証一波三折

每一位申請移民的人都會經歷過準備文件、提交、被拒絕或要求交出更多証明資料的無限輪迴,而Vanlisa當然都不會例外。為了在當地成功註冊結婚,她前後花近三個月同當地省市政府就國藉、簽證逗留權利等問題而周旋。「我當初拎住本香港特區護照去搞結婚手續,點知市政府一直堅持我個本係中國護照,要求我做左簽證先可以喺瑞士結婚。最後要不停來回各個部門溝通先結得成婚!」

為了維繫這段異地戀,Vanlisa 2016年決定嫁到瑞士,展開移民新生活。
為了維繫這段異地戀,Vanlisa 2016年決定嫁到瑞士,展開移民新生活。

搵工首要識語言

成功結婚展開新生活之後,首要任務是解決生活費問題。本身識法文的Vanlisa就已經擁有絕對優勢,「搵工一定要識得講當地語言(法文/德文/意大利文),除非你本身係某一類技術專才,而又有國際公司請你,否則搵工都有一定難度。」至於Vanlisa就決定做「斜槓族」Slasher,當註冊健康心理學家之外,仲會做中法翻譯、經營網上抗衰老美容生意和YouTuber,全方位發展事業。「瑞士人無香港咁重視大學學位,好似想從事普通工種如收銀或售貨員工作的話,僱主多數都要求有相關證書,有大學學位反而覺得請你唔起,唔會安排見工。」

移民到瑞士後Vanlisa 繼續進修,更於2019年於洛桑大學以優異成員取得心理學碩士學位。
移民到瑞士後Vanlisa 繼續進修,更於2019年於洛桑大學以優異成員取得心理學碩士學位。

租屋要寫信表達誠意? 慨嘆租屋難過買樓

在香港買樓上車難,但意想不到在瑞士就連租樓都難。現時在郊區居住的Vanlisa有幸遇到好業主以低於市價20%,約HK$11,000出租約1300呎的單位給他們。對比其他省份以同地段計算,伯恩省的租金算便宜。「瑞士租樓可以話難過搵工,因為一般業主會要求租客提供3個月糧單、無犯罪紀錄証明之外,仲要寫信表達你幾有誠意租樓。」

1300呎的住處加上家居佈局清簡,比在香港生活明顯寬敞舒適。
1300呎的住處加上家居佈局清簡,比在香港生活明顯寬敞舒適。

俗語話:識人好過識字。Vanlisa都深深體會到,因為經朋友介紹下認識現時業主先無需提供各項証明文件。「如果係外地人,可能仲要搵個本地朋友做擔保,而且交齊文件都仲要等被選中先可以租樓,所以最好都係識人介紹。」

居瑞第五年開始認識其他香港人,互相扶持鼓勵
居瑞第五年開始認識其他香港人,互相扶持鼓勵

對比香港租屋得四幅牆,瑞士設備比較齊全。「廚房設備如雪櫃、焗爐、洗碗碟機、爐頭等等都係瑞士一般租樓既基本配置。如果個單位無洗碗碟機嘅單位一般都好難租出去,或者好平租。」至於基本水電煤費用每月約HK$2,600,不過要留意當地有徵收垃圾費,平均每人都要花近HK$700/年。

不可忽視日常開支

瑞士交通費出名貴,所以不少家庭都會自己駕車。Vanlisa以前需要跨省工作,經常坐火車來往,單是月票都花近HK$3,000。不過自轉職做自由人後就改以駕車出入。「我住嘅地方係全瑞士油價最平嘅地方,平均HK$500/月已經可以入滿一架兩門細車,至於牌費約HK$3000一年。」

雖然節省到車費,不過飲食費方面2人即使在家煮飯每月都要花近萬元。「出街食好貴,就算係平民外賣中餐都要大約HK$500/2人份,如果出去好少少嘅餐廳食約HK$ 1300/2人。所以平時我地多數都去超市或者有時候想買新鮮菜就會去特定日子早上先開的市集行下。」

Meringue蛋白餅蛋白脆餅,是Vanlisa最鍾意的瑞士甜品之一。
Meringue蛋白餅蛋白脆餅,是Vanlisa最鍾意的瑞士甜品之一。

至於娛樂方面,主要是戶外活動為主如行山、滑雪、水上活動、露營等。「其實貴在交通費上,好似坐船、坐景觀火車、上山纜車等。另外我地每月都會花約HK$500 買Netflix呢類娛樂節目睇。」

兩年前開設雲妮莎瑞士日常Facebook專頁及YouTube頻道,談及瑞士生活及文化
兩年前開設雲妮莎瑞士日常Facebook專頁及YouTube頻道,談及瑞士生活及文化

必需購買醫保

醫療保障相信是不少移民人士最關心的一環,「所有係瑞士境內居住嘅人都一定要有醫保。每個月支付額度視乎自己選擇,每間保險公司都唔一樣。現時我選擇

較平既醫保方案約HK$2000/月。萬一需要睇醫生時候,我需要畀兩萬蚊墊底費,其餘由醫保承擔。」

教學著重實習

Vanlisa雖然只有養貓仔沒有養人仔,不過問到當地學校教育都略知一二:「移民入學既學生會先被分去特別班,同其他外地生一同學習語言,然後老師會因應個別進度將學生安排返回正常班同當地學生一齊上堂。」對比香港讀死書式的教育制度,瑞士較為著重學生未來職業方向。「16歲開始,所有學生都可以去心儀的工作地方體驗。待選定路向之後就可以選擇職專(CFC)或大學預備班。當中

職專為期約4年,有一半時間於機構實習(薪金為HK$4000-HK$7000不等),其餘半時間則需回校上課學習行業相關知識。」

2014年未婚夫第一次到香港旅遊並到主題樂園探班。
2014年未婚夫第一次到香港旅遊並到主題樂園探班。

作為過來人,Vanlisa表示移民生活有喜有悲,要完全適應當地生活不是一年半載內可以輕鬆完成的事。「移民前最好有Plan B後備計劃,千萬不要倚賴單一收入來源。由疫情爆發至今,歐洲情況失控令失業人數大幅上升,作為外地人更加要做好安全網,發掘可以遙距的工作或生意做,先可以不受地域限制之餘又可以確保收入來源,大大減低因財政帶來嘅心理壓力。」

雲尼莎瑞士日常 Vanlisahomeswisshome
Youtube : https://bit.ly/36bECAZ
http://www.vanlisahomeswisshome.com/

相關文章:

【移民日本】租屋要送禮俾業主?港女488萬購千呎地起Dream House

【移民美國】港妻移居美國組義工團抗疫 轉行開家庭托兒所覓新出路

港夫婦移民葡萄牙創業 $35萬歐買樓低門檻入籍享歐盟待遇

【移民故事】港妻移民抵英即遇疫情爆發 搵工無期轉戰當Youtuber 無懼再度封城

港媽棄全職為子女當師奶 移民澳洲選校網區定居 初試拍賣買樓

【移民故事】想移民英國 「5+1」方案是否不錯的出路?

香港人移民懶人包|6大熱門移民地條件 門檻 方法比較+寵物移民注意事項

【移民英國】居英港人分享英國租屋親身經驗 封城點睇樓?點樣揀租盤地區?

持BNO留英生活 比較港英購物/飲食/住宿/交通大不同