電影LOL︳男主角接連惹事 行內人睇完《閃電俠》優先場出奇大讚

日前美國舉行年度CinemaCon大會，各大荷里活片廠大灑冷，當中華納推出耳聞已久嘅DC電影《閃電俠》預告片，以及為部分業內人都舉行優先試映會。

DC電影重啟又重啟，由新老細James Gunn執導嘅新版《自殺特攻隊》終於省靚招牌，Joaquin Phoenix又憑暗黑版《小丑》封影帝。不過Ben Affleck帶領嘅《蝙蝠俠》及《正義聯盟》、The Rock主演嘅《黑亞當》成績只算不過不失，《超人》更一直未能回歸。

閃電俠比超人、蝙蝠俠等超級英雄人氣低，劇集版成續OK但未能大爆，電影版又一直只以配角形式於《正義聯盟》出現。對於首部擔正電影，觀眾及院商都抱觀望態度，今次CinemaCon終於見真身，評價竟然超出預期地好！

據外媒The Variety報導，《閃電俠》有笑有淚，其中受邀睇片嘅媒體Fandango代表 Erik Davis，發tweet大讚《閃》係「最好嘅超級英雄電影！敍述故事有新意，動作場面精彩！集齊所有超級英雄電影元素」。另一傳媒人Scott Menzel則大讚男主角Ezra Miller表現超出色！

今集《閃電俠》講述Berry Allen為救媽媽改變歷史，意外引發多重宇宙，喺另一世界遇上無超能力但家庭美滿嘅自己，為撥亂反正而奮身一戰。Ezra Miller於片中一人分飾兩角，一個有超能力但家破人亡、活在痛苦中嘅Berry，以及平凡生活幸福少少搞怪嘅Berry，差唔多每秒鐘都有Ezra！

而因為多重宇宙，Micheal Keaton及Ben Affleck 演嘅兩代蝙蝠俠亦會同時登場，陪閃電俠拯救世界兼做埋佢心靈導師，開導佢走出傷痛。新登場角色仲有由 Sasha Calle及由Michael Shannon飾演大反派薩德將軍！

大家對Ezra Miller表演讚不絕口，難怪佢近年多次因為精神不穩而被捕，在取消文化橫行嘅當下，華納依然無換人重拍，至多係表明暫時無開續集嘅計劃，明顯係想睇完票房再等Ezra Miller搞掂官司洗下底先再算。其實Ezra新人時期就同Tilda Swinton 合作《我兒子是惡魔》，表現技驚四座，希望佢專心靜養後可以盡快回歸！

更多電影文章

電影LOL︳睇數做人 Netflix掟25億美元加碼製作韓國內容

電影LOL 今期睇咩戲︳12日／關於我和鬼變成家人的那件事／追捕殺人狂／情慾99月／調教你丈夫

電影LOL︳被譽為「007對Jason Bourne」 兩大阿姐Angelina Jolie Halle Berry新片大打出手

電影LOL︳荷里活2022年五大勁賺大片 《阿凡達：水之道》高成本照賺41.6億

電影LOL︳Netflix打擊帳戶「開心share」 拉丁美洲未推行就已經有訂閱逃亡潮？

電影LOL︳影評爆ONE PIECE真人版劇集試映反應超唔掂 幕後發文澄清︰完全不實

電影LOL︳成龍為新片《龍馬精神》製造大量網路熱話 殊不知票房竟然得呢個數…

電影LOL︳荷里活2022年五大仆直大片 迪士尼囊括2.5套 《奇異大世界》勁蝕15.5億

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！