電影LOL︳邦女郎Ana新片荒島尋找人生意義 片廠爭崩頭多得編劇罷工?

第76屆康城影展今日揭幕,終於唔受疫情影響回復星光燿燿,萬眾矚目焦點除咗係邊個攞金棕櫚大獎,同埋紅地毯有咩星登場外,電影版權買賣一樣熾熱,其中一部喺影展未開始已經備受矚目!

據外媒Deadline報導,金像大導Ron Howard新作Origin of Species將於康城影展銷售發行權。導演前作係改編泰國少年足球隊被困山洞真人真事、由Colin Farrell及《魔戒》男星Viggo Mortensen主演嘅Thirteen Lives備受好評,新作再以真人真事為題材!

Origin of Species講述一群不拘小節嘅男女,決定捨棄現代文明回歸大自然,尋找人生意義而齊齊搬到厄瓜多群島。城市人搬到原始森林未必搵到人生意義,不過一定要搵到生存技能。

電影將會係一套黑色瘋狂求存驚慄片,並由索爆「邦女郎」Ana De Armas、《怪獸與鄧不利多的秘密》Jude Law 、《西線無戰事》Daniel Brühl及《丹麥女孩》《盜墓者羅拉》Alicia Vikander等主演。

金像大導演配埋人氣、演技、金像金球提名嘅主演組合,足以成為片廠搶手貨。受近期荷里活編劇罷工潮,業界估計Origin of Species有機搶出比預定高嘅價錢,因為套戲已經有哂劇本,唔受工潮影響隨時可以開機拍攝。對於無存貨嘅片廠嚟講,呢個簡直係超級黃金組合同填補空缺嘅不二之選!

導演前作Thirteen Lives 由串流平台Amazon Prime Video出品,各大片廠閙劇本荒或項目受工潮影響要延後,加埋各大串流平台勁渴高質內容。相信除咗Origin Of Species外,參展康城影展嘅作品,只要有好評都有機會成為片商爭奪對象!

更多電影文章

電影LOL 今期睇咩戲︳日麗/電子靈/鬼玩人:復活/潛眠叛變/緣來可以愛多次/指尖觸到的愛/來自雪國的遺書/驚天救援

電影LOL︳楊紫瓊老是常出現 《綠野仙蹤前傳》演校長 仲有十套新戲新劇預佢

電影LOL︳拎完奧斯卡當堂有牙力 珍美李寇蒂斯終於促成《衰鬼媽咪》拍續集

電影LOL︳又一套長片名台片 《請問,還有哪裡需要加強》黑幫大佬洗頭洗到出……

電影LOL︳搶人才!DC主腦爆料︰會帶《銀河守護隊3》演員去拍新《超人》

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!