雅虎香港新聞 舞台劇頒獎禮改餐廳舉行｜跨性別原告謝浩霖成功改身份證性別｜恒指萬八點得復失｜黎振燁坦言偷食朱智賢後有諗過要離婚｜4 月 30 日・Yahoo 早報
早晨！今日係 2024 年 4 月 30 日星期二。預測本港地區今日大致多雲，有幾陣驟雨。早上短暫時間有陽光，下午雨勢有時較大及有狂風雷暴。最高氣溫約 31 度。吹和緩至清勁南風，風勢有時疾勁。
上屆香港舞台劇頒獎禮遭藝術發展局及康文署「雙重封殺」，拒絕資助活動及提供場地。香港戲劇協會終需自資籌辦今屆頒獎禮，活動昨晚（29 日）在灣仔一間餐廳舉行，場地縮水約八成。會長馮祿德指，頒獎禮上致辭等內容不會受影響，「當乜事都無發生過，都係咁樣準備，我哋係合法、合理、合情，唔會話踩任何嘢」，來年亦會繼續申請藝發局資助。
頒獎禮結果，喜劇 / 鬧劇類別劇帝和劇后分別由歐陽駿及田蕊妮獲得；田蕊妮說，「舞台唔可以消失，係好貴重嘅一件事」。今屆失落劇帝寶座的黃子華表示，香港的表演創作機會已不多，「其實我哋應該做多啲咁樣嘅嘢（頒獎禮），如果唔係對於成個香港嘅創作都冇好處，適宜多搞、不宜少搞」。
消息指，最低工資委員會完成檢討，除了引入「一年一檢」之外，亦會引入新的方程式，而且「可加不減」，預計明年最低工資加約一元，如獲行政會議通過，將是歷年最低加幅。有勞工界認為，落實「一年一檢」是有回應訴求，不過有市民認為加一元的話，「買支旗都冇咗」，「加一元實在太『感恩』了，很『感動』。」
跨性別人士謝浩霖（Henry）自 2017 年入稟司法覆核，挑戰入境處「完成全套變性手術」才能變更身份證上性別的規定。去年 2 月在終審法院終極勝訴，但入境處直到本月初才修訂政策。Henry 昨早取得新身份證，性別記項一欄終於寫上「男 M」。他形容七年來面對多方挑戰，令人心累，如今總算迎來一個解決：「What’s normal for many people has finally become normal for us.」
3 名男子被指 2019 年 10 月，在 WhatsApp 群組揚言殺害警員及其家屬，經審訊後被裁定兩項「煽惑有意圖而傷人」罪成，周一（29 日）在區域法院各被判囚 22 個月。法官張潔宜判刑時指，案發時香港正經歷嚴重衝擊行為，被告行為明顯加劇社會安寧被破壞的風險；而襲擊對象是警方及其家人，無疑是阻礙及正面挑戰警方執法。官另斥被告誣衊警方性侵女示威者、謀殺市民，甚至利用催淚煙害全港市民等，或致市民懷疑，甚至仇視警方，打擊警隊公信力。但官接納初犯、延誤等因素，予以減刑。
【今日重點新聞】
Yahoo 新聞：舞台劇獎｜康文署拒借場 頒獎禮改餐廳舉行 劇協馮祿德：本初心唔踩犯法嘢 其他人鍾唔鍾意冇得估｜Yahoo
Yahoo 新聞：封殺舞台劇獎｜田蕊妮奪劇后：舞台好貴重唔可以消失 黃子華：頒獎禮宜多搞｜Yahoo
now 新聞：【最低工資加一元】市民：買支旗都沒有了 勞工界冀追回凍結幅度
Yahoo 新聞：勝訴14個月後 跨性別原告謝浩霖成功改身份證性別：續走平權未竟路｜Yahoo
法庭線：WhatsApp 群組煽惑殺警罪成 3 男各判囚 22 個月 官斥被告誣衊警方
財經方面，港股連日反彈，昨天於期指結算日乍現「牛蹤」。恒指除了重越250天牛熊分界線（17708點）外，更由1月低位14794點回升兩成，符合進入技術牛市定義。不過，大市連漲6日後展露疲態，恒指攀上萬八點關終未能企穩，國指及科指更曾倒跌。分析認為港股若要進一步衝高，仍需經濟數據與企業盈利改善配合。
內地五大國有銀行首季業績全部出爐。受中國連番減息影響，加上存量房貸利率下調，拖累五大行淨息差全數繼續收窄，而且幅度擴大。銀行收入動力下降，盈利亦全數倒退。當中中行（3988.HK）盈利跌幅稍大，資產減值損失顯著上升，拖累首季純利下跌2.9%至559.89億元（人民幣．下同）；郵儲行（1658.HK）則為五大行中唯一仍錄淨利息收入增長，加上該行釋放撥備減緩盈利跌幅，純利僅跌1.35%至259.26億元，跌幅最小。
《路透》引述消息人士透露，隨著中國的大銀行從與俄羅斯相關的交易融資中撤出，一些中國公司正在轉向邊境的小銀行和地下融資渠道，如貨幣經紀人，甚至是被禁止的加密貨幣；還有一些公司則完全退出俄羅斯市場。據稱，一家大型國有銀行擔心在處理俄羅斯交易時可能會受到美國制裁，亦有大銀行加強對俄羅斯相關業務的審查，以避免制裁風險及不必要的麻煩。
【今日重點財經新聞】
信報：5國有行首季盈利降 中行最傷 「工農中建交」擬第一次派中期息
infocast：內地大銀行據報迴避中俄貿易支付 避免被制裁
娛樂方面，4 年前，前香港先生黎振燁同前港姐朱智賢因拍攝新劇《食腦喪B》撻著，被傳媒撞破揸車去僻靜處密會「食蛋糕」，兩人本來受TVB推上位，但因為事件被雪藏，而且發展各異。朱智賢休息一年後有劇拍，但去年依然決定離巢。至於男主角黎振燁事發後一直潛水，收埋 4 年後再接受專訪，原來佢近期先至同TVB約滿，並打算重新出發。
93 歲黃夏蕙，前日於尖沙嘴酒樓筵開 60 席派對，魏秋樺、周啟生等好友均有出席；不過，黃夏蕙身體大不如前，出入都要由工作夥伴陳建興（Philip）扶住避免跌倒。細女 Maggie 亦由美國返港出席呢次活動，與 Philip 齊齊擔任晚宴司儀，原因係與媽媽黃夏蕙傾電話時明顯感到對方聲線虛弱，擔心佢唔舒服，於是即刻買機票飛返嚟，又指好佩服媽媽呢個年紀仲有魄力為晚宴四處奔走。夏蕙姨就話，發現自己身體狀況明顯下滑，「好想同外國嘅仔女，一齊影張合照，好想同大家分享，隱藏係心入邊嘅一啲說話。」
【今日重點娛樂新聞】
Yahoo 娛樂圈：黎振燁偷食朱智賢4年後首度受訪 有諗過要離婚 太太支持繼續追演員夢
Yahoo 娛樂圈：93 歲黃夏蕙最後一場派對完結 自覺身體狀況下滑交代身後事 細女急返港照顧打點
