【電影LOL】林家楝0片酬拍新片《手捲煙》江湖味濃之作導演陳健朗只係30歲

·3 分鐘文章

自疫情開始,戲院又開又閂,荷里活商業鉅製不斷改期,反而製造咗空間俾港產片,特別今年優質又有心嘅港片真係有好多,排住隊有《濁水飄流》、《媽媽的神奇小子》以及快將於6月17日上映嘅《手捲煙》。

電影由新晉導演陳健朗執導,導演身份比較陌生,但如果講返佢做演員嘅履歷,相信即刻印象返哂嚟!陳健朗螢幕處女作就喺陳果導演嘅《那夜凌晨,我坐上了旺角開往大埔的紅VAN》中飾演其中一個潮童,之後又陸續喺電影《過春天》、《中英街1號》以及劇集《嘆息橋》及《VR驅魔人》中演出,仲有參與綜藝節目《全日情侶診所》!

讀城大創意媒體嘅佢仲憑《I Can't Live Without A Dream》獲2014年札幌短片影展最佳男主角,依家演而優則導,首部執導長片《手捲煙》入圍第57屆金馬獎包括最佳劇情長片、最佳新導演、最佳男主角、最佳美術設計、最佳造型設計、最佳動作設計及最佳剪輯等7項大獎!《手》同時獲邀參加第23屆意大利遠東電影節競賽部份及入圍烏烏甸尼國際影展,成績驕人!

電影講述退役華籍英軍關超(林家棟 飾)加入黑社會維生,但近年經濟不景,經常入不敷支。一天,南亞裔古惑仔文尼(Bipin Karma 飾)為躲避仇人,誤闖關超家,文尼以一百萬酬勞哀求他收留五天,關超欣然接受。另一邊廂,關超早前促成了江湖老大大口泰(袁富華 飾)與台灣黑幫菜甫(杜燕歌 飾)的金錢龜走私交易,大口泰收貨後竟發現貨不對辦,要關超交還一百五十萬訂金!

文尼突然拿出一包毒品供關超換錢還債,事情像是完結之際,文尼竟又被大口泰的手下捉走!關超會自保逃走,還是冒險拯救這位相遇相知的新朋友?關超吸一口手捲煙,作出了最終的決定!

戲中其中一句對白「唔講一、唔講三,講義。唔講風、唔講雨,講咩?講雷。」令人印象深刻,原來出自陳健朗爸爸,導演受訪時提及自己於充滿男子氣概嘅環境下長大,父親經常掛「雷氣」於口邊,對白直接點出《手》中江湖味濃嘅男人情誼!

電影集結多位香港戲骨,包括林家棟、 錢小豪、白只、太保、 袁富華、朱栢謙、何華超、周祉君、杜燕歌以及新人Bipin Karma,其中林家棟更加係零片酬演出。疫情令拍攝受阻,原定嘅台灣演員未能到港拍攝,被逼換角。拍攝場地之一重慶大廈又有人確診,受成本及片期所限,經唔起停工擇日再拍,可謂困難重重。

導演陳健朗借港產黑幫片氛圍、重慶大廈、香港唯一皮革廠等,紀錄下香港嘅面貌,將源自生活深刻細膩觀察化成影像,充滿陽剛氣又同時帶出香港兩代人嘅身份認同問題,而導演才不過剛30歲!

成本有限一樣可以交出高水準作品,希望將來會有更多資源俾一眾新導演發揮,一如陳健朗喺金馬典禮嘅呼籲「老兵不死,電影不死,香港不死」。香港有好多人才!

更多電影文章

【電影LOL】今期睇咩戲 《黑白魔后》《我的印度男友》《軍情諜報》《情約時分秒》《靈慾咒怨》

【電影LOL】疫情打亂007上映日期導致財困 美高梅筍價賣盤俾Amazon

【電影LOL】《梅艷芳》傳記片預告曝光 影壇大亨因為梅姐一次幫忙決定開拍

【電影LOL】又有明星得罪內地網民 今次係F9 John Cena 「趙喜娜」講中文致歉

【電影LOL】Marvel 重要之作《永恆族》預告片曝光

【電影LOL】《神探白朗》續集星級卡士夠拍幾套戲!Edward Norton未埋位已經被網民估係兇手

【電影LOL】歌手傳記片拍極仲有 片商敲定拍雪兒生平

【電影LOL】奧斯卡得獎作《醉美的一課》拍美國版 里安納度做主角 會唔會變《醉爆伴郎團》?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能