【電影LOL】《正義聯盟》導演新片 Army of The Dead 一班友為咗5千萬迎戰幾萬喪屍

·2 分鐘文章

上個月睇完Zack Snyder4小時導演版嘅《正義聯盟》,唔知各位DC迷收唔收貨?導演離開呢班DC超級英雄後繼續忙碌,同Netflix合作嘅新片Army of The Dead鐵定5月21日於平台上架,今日仲一口氣出咗12張電影角色海報,張張搶眼!

Army of the Dead故事講述美國賭城拉斯維加斯受喪屍肆虐,為咗防止喪屍四散傷人最後唯有封城隔離。Scott(Dave Bautista飾)由打喪屍英雄變成餐廳仔小廚師整漢堡包維生。一日,賭場老闆田中(真田廣之飾)搵上門,出價5000萬美金希望Scott可以喺政府徹底核爆喪屍城前32小時,幫佢攞返賭場夾萬嗰2億!

以前打生打死為咗保護大眾,結果完事得個桔,Scott決定為自己搏一次,搵嚟一班敢死隊深入喪屍陣,攞返屬於自己嘅酬勞!事隔幾年喪屍都進化,變成有勇有謀不死大軍,幾個活人對幾萬隻喪屍,最後邊個有命就有錢分!

喪屍片近年睇唔少,南韓《屍殺列車》全球大熱,之後推出嘅喪屍片都被比下去。今次輪到拍慣大場面嘅Zack Snyder出手拍喪屍都要有新意,今轉啲喪屍唔再行屍走肉,亂衝任人射爆頭,佢咃戰鬥力驚人 ,仲好有組織兼有感情,連喪屍老虎都有!戲中嘅搶錢敢死隊雖然身經百戰,入到虎穴先發現喪屍今非昔比,隻隻難打,真係核爆都未必搞得掂!

Army of the Dead動用9000萬美元,搵嚟《殺神John Wick3》編劇Shay Hatten寫劇本,《銀河守護隊》大隻佬Dave Bautista做男主角,動作刺激場面一定足,不過睇返片長成148分鐘,故事無返咁上下鋪排,得打打殺殺2個幾鐘,美指再靚都好難捱。

Netflix似乎好有信心,無懼同Guy Ritchie執導動作懸疑片Wrath of Man、Angeline Jolie新片Those Who Wish Me Dead及Samuel L. Jackson嘅恐佈片Spiral: From the book of Saw等對打!加上未上就拍埋前傳Army of Thieves,又有動畫版傳Army of the Dead:Lost Vegas排住隊接力上映,Army of The Dead睇嚟實有續集,喪屍去到Zack Snyder手仲有咩玩法,值得期待!

更多電影文章

【電影LOL】今期睇咩戲《真.三國無雙》《金錢帝國:追虎擒龍》《是夜屍了》《在星空盡頭等你》《腿》《讀心叛變》

【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲搞足1年

【電影LOL】奧斯卡賽後花生 趙婷點解變趙薇?頒獎禮收視跌一半 尹汝貞答記者「我唔係狗」!

【電影LOL】梁朝偉現身 《尚氣》首支預告出爐一面倒負評 網友彈劉思慕唔靚仔

【電影LOL】Amazon一次過開拍5季《魔戒》劇集版 Season1成本已經36億!

【電影LOL】港式Bollywood風味 《我男友係好差》未上畫已攞獎

【電影LOL】蜘蛛仔Tom Holland演《24個比利》網劇 挑戰人格分裂角色

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!