【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲搞足1年

·3 分鐘文章
【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲拍1年
【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲拍1年

改編自電玩嘅電影《真·三國無双》即將上畫,香港宣傳攻勢相當厲害,可以話係呢2年少有嘅規模。導演周顯揚今次做埋監製,宣傳上亦相當落力,喺facebook出post兼做大量訪問解構製作過程。

周導今日就出post刊登由《三國無双》遊戲開發商KOEI TECMO社長兼創辦人襟川陽一嘅信。作為版權授權方,襟川陽一快人一步睇咗《真·三國無双》,並且大讚「其中幾場戲,把遊戲裡的畫面效果演出得非常逼真,也呈現了無双系列的『一騎當千』精神」。襟川陽一1980年代創立KOEI TECMO,推出多款歷史模擬遊戲如《信長之野望》、《三國志》及《真.三國無双》等,可以話係幾代game迷心目中嘅神人。

【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲拍1年
【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲拍1年
【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲拍1年
【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲拍1年

打《真.三國無双》最爽皮莫過於用關羽或者呂布出大絕「無双」嗰下千人斬,一招將無數個敵人一嘢彈走,真心high。但係要拍出嚟,一定唔係件爽事。周顯揚提到,要拍幾秒「無双」場面搞足一年。拍之前半年已經要同動作指導林迪安研究動作,再將畫好嘅分鏡拍成動畫模擬效果。正式開拍時就用咗4日時間搭景同組裝拍攝裝置,喺直徑二、三十米嘅圓型鐵架上,裝置過百部攝影機,以唔同角度紀錄每一個畫面,然後再用半年時間搞後期。而出到嚟嘅鏡頭,原來只係得4秒!

【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲拍1年
【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲拍1年

據聞電影成本大約3億,演員片酬梗係唔嘢少,去紐西蘭拍外景而唔用「綠幕」加特效都好燒錢,因為拍攝地點附近無酒店,場面大人就多,要趁有日光調動幾百人化好妝裝好衫埋位,難度甚高。而單係「三英戰呂布」一場戲,就足足拍咗40日,難怪成本咁貴!

更多電影文章

【電影LOL】奧斯卡賽後花生 趙婷點解變趙薇?頒獎禮收視跌一半 尹汝貞答記者「我唔係狗」!

【電影LOL】今期睇咩戲 《超犀女王》《農情家園》《毒水曝光》《上流假丈》《玩命招魂夜》《刺殺小說家》

【電影LOL】梁朝偉現身 《尚氣》首支預告出爐一面倒負評 網友彈劉思慕唔靚仔

【電影LOL】Amazon一次過開拍5季《魔戒》劇集版 Season1成本已經36億!

【電影LOL】港式Bollywood風味 《我男友係好差》未上畫已攞獎

【電影LOL】蜘蛛仔Tom Holland演《24個比利》網劇 挑戰人格分裂角色

【電影LOL】男人的浪漫!荷里活拍《機動戰士高達》真人版 伏味濃濃地

【電影LOL】院線搞重溫港產片活動 冇得睇《風再起時》不如睇《五億探長雷洛傳》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!