【電影LOL】港式Bollywood風味 《我男友係好差》未上畫已攞獎

電影公司Golden Scene(Dada多謝過嘅「高登先」)又有驚喜作品,繼大力支持本地電影好似《狂舞派》、《二次人生》等,依家玩埋Bollywood電影,推出首部港產Bollywood電影《我男友係好差》!

《我》導演Sri Kishore2008年來港教舞蹈,至此經常中印兩邊走,佢啲學生成日問佢有關印度嘅嘢,發現好多港人熱愛印度文化,因此興起拍港印電影。佢用咗2年時間將自身經歷轉化成電影劇本,拍成印度男遇上港女嘅愛情故事《我的男友好差》。電影由憑ViuTV行山節目《美女郊遊遊》彈起嘅陳欣妍及操流利廣東話及印地語(Hindu)嘅Karan Cholia成家宏主演,另外仲有張建聲、楊卓娜、岑珈其及喬寶寶等參與演出。

《我》於疫情期間拍攝,原本印度取景計劃被逼擱置,留港拍攝過程一啲都唔容易,因為受防疫指引限制,要小心防疫之於仲要遵守限聚令,拍緊戲仲要顧及社交距離!雖然電影未能於印度取景,不過無礙《我》發揮印度Bollywood精粹,連場載歌載舞,保証陽光歡樂!

剛剛官方推出首支宣傳MV,由參加過《全民造星III》嘅旨呈主唱《印度咖喱因乜呢》,曲風結合廣東pop同印度風格,配埋個喺中環鬧市齊娃娃跳舞嘅晝面,活力得嚟又好有energy,加上帶有濃濃Bollywood風格嘅海報,成件事好吸引!

香港都上過唔少印度電影,其中阿米爾汗Aamir Khan主演嘅《作死不離三兄弟》勁收2000萬票房,成為當年黑馬!之後陸續仲有《打死不離3父女》、《無痛奇俠》及《我的破嗝Miss》等口碑及票房成績不俗等印度片上映,不過Bollywood式愛情片喺香港確實唔多見,港產《我男友係好差》絕對係少數!

導演希望用《我》交流兩地文化,電影未公映已經於印度獲得第7屆Rajasthan International Film Festival嘅評審獎項(Special Jury Award)。印度民眾普遍熱愛電影,年年出產過千部電影,而且電影題材又多樣化,13億人口絕對係龐大市場,一眾參與嘅演員不妨藉此進軍Bollywood,拍戲唔一定北上嘅!

更多電影文章

【電影LOL】今期睇咩戲《二次人生》《複製人徐福》《浪浪歷險記》《幪面超人 劇場版》《等一個擁抱》

【電影LOL】蜘蛛仔Tom Holland演《24個比利》網劇 挑戰人格分裂角色

【電影LOL】男人的浪漫!荷里活拍《機動戰士高達》真人版 伏味濃濃地

【電影LOL】院線搞重溫港產片活動 冇得睇《風再起時》不如睇《五億探長雷洛傳》

【電影LOL】《飛天小女警》真人劇集造型照曝光嚇親網民 靠故事+班底拯救童年回憶

【電影LOL】《神探白朗》刀仔鋸大樹成功 Netflix35億天價截糊搶播放權

【電影LOL】派拉蒙寫定劇本準備重拍《珠光寶氣》惹官非 隨時要賠3.9億

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!