雅虎香港新聞 【電影LOL】《神探白朗》刀仔鋸大樹成功 Netflix35億天價截糊搶播放權
荷里活片廠Lionsgate用4000萬美元成本拍出口碑載道兼獲奧斯卡提名電影《神探白朗：福比利大宅謀殺案》，雖然成本以荷里活標準嚟講唔算貴，不過竟然能夠集齊多粒巨星，「007」Daniel Craig、「美國隊長」Chris Evans、最新「邦女郎」Ana de Armas、《月光光心慌慌》Jamie Lee Curtis及已故《仙樂飄飄處處聞》男星Christopher Plummer等，電影票房成績亦相當理想，全球錄得3億美金！
上年2月Lionsgate宣佈開拍續集，仲確定導演兼編劇Rian Johnson及男主角Daniel Craig留任拍續集，不過計劃峰迴路轉，剛剛Netflix宣佈以4.5億美金天價獲得《神》第2、3集獨家播放權，意味Lionsgate痛失金蛋！原來Lionsgate同Rian Johnson得一套合約，Johnson自由身之後可以任意選擇合作夥伴，《神》大收想添食，結果俾Netflix以高價奪得！
面對迪士尼、華納建立自家串流平台嘅競爭，作為業界大佬Netflix旗下無任何超級英雄電影，為咗留住觀眾，唯有於內容著手，近年洗錢越嚟越大手筆，經常以高價購入原創故事，好似《神》可以發展成系列電影嘅故事更加不容有失。
導演Rian Johnson早於《神》多倫多國際電影節首映受訪時講過，故事以「神探白朗」為主軸展開，每一集為獨立故事、新案件，所以開拍第2集除咗男主角Daniel Craig以外，會以全新演員拍攝，應該集集有驚喜。
《神2》據報將會於今個夏天去希臘拍攝，其中一位主演Jamie Lee Curtis就好風趣咁係IG以片中角色Linda Drysdale出post話佢咃全家接受緊心理治療 ，醫生建議佢咃最好同白朗保持距離 ，所以全家都唔會去希臘，仲祝福製片人前途似錦！
更多電影文章
【電影LOL】今個星期睇咩戲 ︳Stand By Me 多啦A夢2／不日成婚／殺神Nobody／浪跡天地／古魯家族2：霸器新時代
【電影LOL】派拉蒙寫定劇本準備重拍《珠光寶氣》惹官非 隨時要賠3.9億
【電影LOL】哥哥張國榮逝世18年 南韓戲院重映作品兼出精美週邊 香港嘉禾戲院播《色情男女》
【電影LOL】真熊真事改編 《白粉熊》拆解森林黑熊吸毒過量死之謎
【電影LOL】空肚講燒肉！土屋太鳳新片《奇蹟的燒肉店》帶你去日本食好西
【電影LOL】奇洛李維斯創作漫畫BRZRKR大賣 Netflix扑鎚拍成電影搵奇哥孭飛
【電影LOL】內地翻拍《秋田犬八千》八千變八筒 網友mean問︰馮小剛演八公？
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
