雅虎香港新聞 【電影LOL】香港重口味導演之王 院線搞桂治洪驚世港產爆片選
香港電影過去有幾風光唔駛多講，喜劇、愛情片、武打片叫好叫座仲揚威海外，查實仲有一類港產片非常犀利，就係重口味Cult片。講明係「重口味Cult片」因為Cult片都有好多種，爛都極致嘅又係，獨立怪雞都係，「重口味」擺明就係血腥妖邪共冶一爐。
睇開呢瓣嘅影迷點都講得出幾套「重口」之作，《力王》、《伊波拉病毒》、《打蛇》相信係唔少人嘅惡夢同最愛。至於港產Cult片大師，一定要數到桂治洪。
桂導60年代開始執導多套作品，風格多元化，艷情片犯罪片恐怖片鬼片都拍過，七八十年代步入高峰期（高瘋期？），產量多兼且題材破格，後來桂導80年代中期移居美國後就再無新作，佢亦喺1999年因病與世長辭。
最近MCL院線就搞咗個向桂治洪致敬嘅驚世港產爆片選，揀咗5套作品：講大宅鬧鬼事件嘅《邪》、揭露點樣落降頭嘅《蠱》、早期港式黑幫片《成記茶樓》同《大哥成》，以及色情暴力剝削齊晒嘅《女集中營》，每套都只映一場。
5套當然唔夠喉，俾我就梗係想睇埋唔少Cult片fans喜愛嘅《蛇殺手》，一睹年青嘅甘國亮點樣演繹用蛇殺人嘅變態青年；另一套係桂導成名作《憤怒青年》，因為編劇正是鼎鼎大名嘅倪匡先生。
幾時有片商搞埋另一位港產Cult片之神牟敦芾作品展？
更多電影文章
【電影LOL】今期睇咩戲 手捲煙／保鑣救殺手2／狂舞紐約 ／ IS殺錄：摩蘇爾戰線 ／ 高凶任務
【電影LOL】驚慄網劇The Swarm 木村拓哉加盟全英語演出
【電影LOL】《狂舞紐約》談情說愛又講多元文化 演員膚色唔夠多元化捱轟
【電影LOL】政府修訂電檢條例配合國安法 敏感政治片上映有難度
【電影LOL】鄭中基0片酬支持《遺愛》紀錄一宗兇案點影響2代人
【電影LOL】MIRROR ERROR仔仔電視攻上大銀幕 Edan呂爵安拍吳君如鄭中基賀歲片
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
