雅虎香港新聞 【電影LOL】鄭中基0片酬支持《遺愛》紀錄一宗兇案點影響2代人
港產電影一部接一部，接連幾星期有香港新導演作品，繼上星期李駿碩自編自導嘅《濁水漂流》後，今個星期有馮智恒導演編劇嘅《遺愛》。
《遺》為第四屆首部劇情電影計畫「專業組」得主，呢個計劃出過幾部優質電影，得獎作品包括《藍天白雲》、《點五步》及《一念無明》。
《遺愛》講述二十年前，年輕的母親Elisa（陳漢娜 飾）犯了誤殺罪；二十年後，舉目無親的迪詩（陶禧玲 飾）亦因為藏毒被捕。探員林力輝（鄭中基 飾）在拘捕迪詩後，回憶起十多年前曾處理過的一宗情侶兇殺案－迪詩正是Elisa的遺孤。除了遺憾，林力輝還可以做什麼？
電影以林力輝角度出發，因為一時疏忽間接做成2代人嘅悲劇，原本年輕父母加可愛女兒理應人人豔羨，卻因為生活、因為冷待Elisa嘅求救而釀成兇殺案，女兒迪詩失去父親而母親因此入獄，失去家庭嘅護蔭，迪詩長大後行差踏錯成為毒犯。
《遺》既係戲劇亦係現實寫照，打開新聞，日日都有因為「按章工作」、「打份工」嘅得過且過，又或者為求自保，少做少錯而造成嘅悲劇。電影專頁就寫到明「年輕人悲劇的形成，不是因為我們做了什麼，而是我們什麼也沒做過！在這個悲劇不斷輪迴的年代，年輕人被遺棄的同時，我們亦遺失了一整代年輕人。除了遺憾，我們還可以做什麼？」
如果多點點關心，或者現實可以少好多家暴、虐待兒童等事，與其事後遺憾不如制止慘劇發生。電影題材沉重絕非娛樂片，不過一如導演馮智恒於訪問中提及，指觀眾可能睇厭咗商業片，希望可以拍出新港產片類型，講多啲香港人嘅故事俾觀眾睇。
飾演迪詩嘅陶禧玲模特兒出身，曾演出愛情片《燈塔下的戀人》，演出資歷尚淺但獲導演力讚領悟力高，甚至可以一take過搞掂，更形容「執到寶」！陶禧玲則歸功鄭中基渾身是戲，令佢更投入角色！
電影發展基金撥款資助約500萬元資金下完成拍攝，鄭中基更零片酬演出以支持香港影壇。《遺》先後晉身多個國際影展，先後入圍大阪亞洲電影節、西班牙亞洲亞洲夏日電影節競賽單元，參展亞洲躍動電影展及新加坡香港電影節等，証明香港人才何其多，希望新導演可以獲得更多資源，得到更好發揮！
《遺愛》將於今個星期四（6月10日）上映。
更多電影文章
【電影LOL】MIRROR ERROR仔仔電視攻上大銀幕 Edan呂爵安拍吳君如鄭中基賀歲片
【電影LOL】《殺神John Wick 4》搵甄子丹拍奇洛李維斯一齊殺敵 仲有零演戲經驗歌姬加盟
【電影LOL】影壇新貴Timothée Chalamet拍《朱古力獎門人》前傳 貪佢似後生版Johnny Depp?
【電影LOL】林家楝0片酬拍新片《手捲煙》江湖味濃之作導演陳健朗只係30歲
【電影LOL】疫情打亂007上映日期導致財困 美高梅筍價賣盤俾Amazon
【電影LOL】《梅艷芳》傳記片預告曝光 影壇大亨因為梅姐一次幫忙決定開拍
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
