【電影LOL】驚慄網劇The Swarm 木村拓哉加盟全英語演出

串流平台目標觀眾擴展至全球,競爭激烈最受惠當然係觀眾。日本Hulu即將同德國Intaglio Films、ndF合作,將作家 Frank Schätzing同名暢銷驚慄小說The Swarm拍成8集電視劇,仲搵嚟《權力遊戲》監制Frank Doelger擔任執行總監!

The Swarm將由曾執導BBC迷你劇Ripper Street嘅Luke Watson、《驚天動地搶新聞》Barbara Eder及《亡命巔峰》Philipp Stroelzl等執導。幕後集合多國公司打造,幕前主演名單亦非常國際化,有美國、德國、日本等演員,包括主演劇集《新教宗》嘅Cécile de France、《皇冠》做丹麥公主嘅Leonie Benesch、《黑鏡》女星Lydia Wilson,不過最驚喜一定係有香港人熟悉嘅木村拓哉主演!

The Swarm故事講述世界各地出現海嘯,海中生物襲撃船隻、包圍海岸,部份地區更出現海底崩移,一群海洋生物學家、科學家聚首一堂希望搵出事故根源,懷疑由某種智慧生物引發,隨後美軍介入,令事態發展更失控。。。

有傳木村大神將會飾演「三船財團」創辦人及團隊指揮Aito,喺故事後半有舉足輕重地位,戲份應該有返咁上下。對於今次演出,木村表示原著世界觀非常完整,能夠成為其中一員感到開心。

木村貴為日本戲劇天王,於亞洲有極高知名度,不過對於進軍國際市場一向謹慎,首部海外作品就係2004年王家衛執導嘅《2046》,第2套係2009年法國出品、香港取景嘅《幻雨追緝》。事隔12年再次接拍海外作品,令人期待!

不過日本網民比起木村進軍國際,似乎更關心佢搞唔搞得掂The Swarm全英語對白,木村訪問時提過因為《2046》開始學英文,當時表示自己聽比講好。數一數手指,如果木村有繼續進修嘅話,都學咗18年英文,應該信心十足先接拍,再唔係搵佢2個讀國際學校嘅寶貝女教路一定無問題!

更多電影文章

【電影LOL】今期睇咩戲 手捲煙/保鑣救殺手2/狂舞紐約 / IS殺錄:摩蘇爾戰線 / 高凶任務

【電影LOL】《狂舞紐約》談情說愛又講多元文化 演員膚色唔夠多元化捱轟

【電影LOL】賤TED回到少年時?《賤熊30》拍前傳劇集版

【電影LOL】政府修訂電檢條例配合國安法 敏感政治片上映有難度

【電影LOL】鄭中基0片酬支持《遺愛》紀錄一宗兇案點影響2代人

【電影LOL】MIRROR ERROR仔仔電視攻上大銀幕 Edan呂爵安拍吳君如鄭中基賀歲片

【電影LOL】《殺神John Wick 4》搵甄子丹拍奇洛李維斯一齊殺敵 仲有零演戲經驗歌姬加盟

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!