【三餸一湯食譜】宴客晚餐!芝士大蝦伊麵/酸菜魚/清湯蘿蔔牛腩/章魚蓮藕湯
三餸一湯食譜時間又到!日日煮飯煮到唔知今晚食乜好?最近收到消費券,大家用錢都比較疏爽,人多出街食飯仍然係遙遙無期,不如自己在家食好啲,炮製個宴客晚餐 ,可以提早一日燜定的清湯蘿蔔牛腩,提早做更輕鬆,而且更易腍身入味,再來個打卡必備酸菜魚,看似複雜的菜式可以助你贏得廚神美名,加個足料章魚蓮藕湯,最後來個芝士大蝦伊麵作美味的句點,肯定可以讓朋友們盡興而歸,即睇如何製作宴客三餸一湯:
【立即讚好】全新 Yahoo Food Facebook 專頁
芝士大蝦伊麵
烹煮時間:30分鐘
做法
伊麵用滾水灼2分鐘,撈起,沖水洗走油份。大蝦剪腳,再中間剪開成半,肉那面拍上粟粉。
燒熱油,放入蝦煎殼那面,灒紹酒至發出香味。
加入牛油和乾葱爆炒,加入清雞湯、牛奶和芝士片,煮至湯汁開始滾,加伊麵再煮2分鐘,粟粉水收稠。
酸菜魚 ( 3人份量)
時間: 40分鐘
做法
桂花魚請魚販代起肉斬頭和骨腩,魚柳回家切片。將魚片和魚身其他部份分開,每份加調理包的醃料和蛋白及粟粉,拌勻醃5分鐘。豆卜用熱水淋洗去油,切片。韭菜切段。芫荽切碎。大紅椒切塊,蒜頭拍扁。浸稍軟的薯粉條剪短。
大鑊中燒熱油,煎魚身部份至發出香味,加入蒜頭和酸菜包,再加入調理包中的醬料同炒香,加薯粉條,再加水蓋上煮5分鐘。加入菇類、銀芽和豆卜,煮滾,將湯連料移進砂鍋中。
待湯再次滾起,加入大紅椒、韭菜。然後收細火,把魚片一片一片的鋪面,然後開回中火,浸至魚片轉色變白。
另備小煲燒熱1.5湯匙油。將芫荽、花椒和乾辣椒放面,然後淋上燒得滾熱的油。。
清湯蘿蔔牛腩(2人份量)
烹煮時間:1小時
做法
牛腩大塊冷水下鍋,加半份葱和薑片。開火,煲滾收中細火煲半小時。撈走浮泡和多餘油脂及葱薑。
原鍋加入米酒、草果、果皮、八角、白胡椒粒、花椒和冰糖,水滾蓋上收中細火煲半小時。
蘿蔔削皮切大塊。開蓋,加入蘿蔔及鹽,再收中細火煲半小時。熄火,焗小時。取出牛腩及蘿蔔切細塊,撒上切碎的唐芹,淋上湯汁。
章魚蓮藕湯(4人)
時間: 2小時
做法
蓮藕、紅蘿蔔削皮切大塊,粟米切段。章魚、扁豆、薏米、陳皮和赤小豆浸水。瘦肉切大塊。
章魚抹乾,剪大塊。放入白鑊小火烘至發出香味,夾起。
將所有材料加入湯煲,加水。蓋上,水滾後收中細火煲1.5小時,試味後適量加鹽。
更多三餸一湯食譜
【三餸一湯食譜】夏日晚餐!涼拌雞絲粉皮/粟米魚塊/電飯煲版蟹焗飯/老黃瓜蟲草花湯
【三餸一湯食譜】消暑晚餐!花旗參石斛烏雞湯/煎蓮藕餅/粉絲煮大蜆/醬青瓜
【冬瓜食譜】去濕冬瓜水 甜 清熱 消腫去濕 素湯 (附影片)
【今晚食乜好】唔知今晚食乜餸?立即去Yahoo Food 食譜專頁搵靈感
>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!
文、攝:謝翠玲