雅虎香港新聞 上環美食︱愛心爸爸主理無味精濃湯麵店 配料竟然有新鮮魚鰾
上環外賣麵食小店，全店四款無味精湯底，湯膽以牛骨及雞殼等熬成，配料仲有海鮮！即睇Yahoo Food專訪：
上環上班族「食」力雄厚，數數永樂街禧利街文咸東街單是地面有幾多食肆就知。上年年尾永樂街開了間外賣小店，單看店名「阿爸鮮食」，完全估不到賣什麼種類食物，但見每有客人有舖頭行出來，都手拿著一個個外賣小桶子，賣相得意。
「你煮嘢食俾屋企人，一定唔會落味精，想食得盡量健康啲。我舖頭出品嘅食物，我可以直接俾兩個女女食」阿爸鮮食老闆 黃先生
【立即讚好】全新 Yahoo Food Facebook 專頁
爸爸開餐廳 堅持湯底無味精
看看餐牌，雖然落單方法和車仔麵一樣，剔紙仔，先揀餸，揀湯底，再揀麵款。但店主黃先生笑言自己做的，並不完全是車仔麵：「如果要說我們店招牌，就一定是湯底，比起麵及配料重要。」 小店湯底有四款：原味濃骨湯、麻辣濃骨湯、蕃茄濃骨湯、辣蕃茄濃骨湯，共通點是全部零味精。有這堅持，皆因黃先生家有兩個寶貝女，平時喜歡為家人下廚。「你煮嘢食俾屋企人，一定唔會落味精，想食得盡量健康啲。我舖頭出品嘅食物，我可以直接俾兩個女女食，我都好放心，呢個係我小堅持，亦係開舖原因之一。」
八小時細火熬湯膽 四川香料以牛油炒過
要無味精，材料更要落到足。每晚收舖前，黃先生便用五斤牛骨、雞殼、雞腳等這種膠質豐富的部分，連紅蘿蔔及洋蔥等蔬菜，以細火慢熬足八小時，再隔油，只加鹽調味，出來的濃湯可以當老火湯直接飲，毫不口渴，非常足味。
至於麻辣湯，黃先生開店前曾經請教了四川籍大廚教路取經，用超過十三種材料製成香料包，加在濃湯中熬煮。當中關鍵，是「材料如花椒，八角等，要先以牛油炒過出味，才會製成香料包。」濃湯膽做好，加蕃茄就變成番茄湯，加四川辣椒粉就成了辣蕃茄湯。
足料手打鯪魚魚餅 新鮮魚鰾以酒清洗
湯底以無味精為重點，配料則一味靠新鮮。連大路的丸類也選用價錢貴兩倍的台灣品牌。魚餅不用現成貨，以鯪魚肉自己手打，加大量蔥提味；豬大腸，金錢肚等自己用酒洗淨，去味之餘，肉質也更爽彈。要數特別的，一定是幾款即日由街市入貨的海鮮像蜆及魚鰾，魚鰾會以薑及酒煮過，嫩滑帶膠質。麵條也有特別款式如南瓜麵，淮山麵，紫薯粉絲及直接不選麵，選健康OL們最愛的菜底。小店整體價錢較同區麵店高，但如果你吃厭了又「頹」又悶的麵食，這店勝在真材實料，配搭又有點新意，值得一試。
阿爸鮮食
地址：上環永樂街87號泰達大廈地下2號舖(地圖按此)
電話：從缺
全新訂座平台「Yahoo訂餐廳×Openrice」正式上線！
更多上環美食推介
上環美食｜現代英式小酒館69 on Jervois開幕 必食招牌和牛漢堡/69芝士通心粉/烤梅頭扒配經典忌廉蘑菇汁
上環美食｜新開上環café 「Melt Fine Dessert & Burger」喵喵壁畫打卡一流 必試House Burger/巴斯克芝士蛋糕
上環美食｜隱世經典江蘇菜館 必食爆汁生煎包/超脆鴛鴦魚仔/ 肥而不膩東坡肉
上環美食｜上環新開外賣店主打日式爆餡飯卷 火炙蔥花吞拿魚蓉/壽喜燒牛肉蒜香/蟹子辣三文魚帶子
上環美食｜法國餐廳Bacchus藏800+款美酒 親民法國菜配世界第3名侍酒師精選酒單
上環美食推介合集！黑松露炒蛋Bagel/西班牙紅蝦熱狗/朱古力tonic
上環美食｜茶家teakha下月結業！10年人氣小店 招牌鬆餅+茶飲+蛋糕Last Call
上環美食｜荃灣小店娘惹嫁到重開！馬拉酒店總廚主理 娘惹喇沙＋咖央多士＋肉骨茶
上環美食｜新加坡咖啡店過江龍Flash Coffee襲港！必試Nutella鮮奶咖啡/甜椰椰鮮奶咖啡/香港限定奶醬多咖啡
【上環美食】全新割烹料理進駐米芝蓮三星志魂舊址！日廚席前禾稈草大火燒鰹魚
【上環Happy Hour】日式頹廢搖滾風酒吧TMK！用$290可請全場飲清酒？
【上環美食】本地人氣插畫Dustykid開心靈茶食店！自家製小巧健康茶食
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
