北都｜落馬洲下灣村收地倒數 土地誕、搶花炮非遺恐失傳 村長：希望後代知道呢條純樸鄉村｜Yahoo
【Yahoo 新聞報道】「第一炮……」，下灣村村委射出花炮後，數十名村民一擁以上，更在地上扭作一團搶奪花炮，「嘩！我搶到啊！」奪得花炮的村民舉起兩隻大手指公，繞場一周盡顯勝利姿態，現場歡呼聲四起。農曆正月廿日（今年 2 月 17 日，周一）落馬洲下灣村的土地誕花炮會再次上演，搶花炮前夕，過百村民一早便到土地神前拜祭，當中不乏髮斑斑的老婆婆，坐着輪椅、撐着拐杖仍然堅持為一家求平安。
不過，新田科技城收地迫在眉睫，碩果僅存的土地誕花炮會進入倒數，村長郭海賢慨嘆無法扭轉滅村命運，「我只係希望喺下灣村滅村之前，為下灣村做返啲嘢，畀後代知道香港曾經有過一條咁嘅鄉村，一條雖然好貧窮、好落後、好接近邊界，但一條純樸嘅鄉村。」
花炮爭奪戰求好運
土地誕拜神儀式過後，數十年村民齊集土地神壇外進行花炮爭奪戰，村民都為搶花炮出盡九牛二虎之力撲向花炮，一輪爭奪後，合盛圍副主席梁先生向人群中跑出，舉起花炮展示勝利，隨後便與街坊將福品搬回村中供奉，「（搶到花炮）來年好運啲，今年個炮真係好似送埋嚟，係個天送畀你、土地送畀你！」
合盛圍再下一城，奪得第二個花炮，但梁先生說，會一如以往傳統，第二個花炮會讓予「食白果」的村落，讓大家都能將好運帶回家，「以往就刺激啲，每條村都組成隊人搶花炮，今年大家都年紀大咗，所以就好和平去做咗呢件事，最緊要大家開心。」他續指，下灣村土地誕花炮會已舉辦超過 70 載，「希望有幾耐就做幾耐，一路咁遺傳落去。」
土地誕屬非物質文化遺產
土地誕早在 2014 年被列入本港非物質文化遺產，各處鄉村各處例，而下灣村最大特色是舉行花炮會。研究本港風俗多年的長春社高級保育經理（文化保育）黃競聰今早亦有到場觀賞。他表示，較少村落會在土地誕舉行花炮會，更承傳了本港僅存的搶花炮活動，直言一條非原居民的雜姓村能承傳此傳統相當罕見，擔心下灣村收地後，土地誕將難再承傳，「土地信仰同其他神誕有別嘅地方，就係佢同本身個地方嘅關係實在太密切，當你搬離咗，（拜）嗰個仲係咪你原生嘅土地呢？」
今年下灣村土地誕的亮點，除了有花炮會外，土地神壇旁，更重現了一座久違的紙紮「花炮」，有齊「八仙報喜」、福鼠和紙花等吉祥物。下灣村過去一直聯同鄰近的村落在土地誕中舉行花炮會，隨着新界北接連收地令村落萎縮，土地誕規模愈來愈細，現時僅餘合盛圍和下灣漁民新村會仍會參加，花炮由往年的十多個減剩三個，福品亦僅餘三座神台。
村長：土地是維繫村民感情圖騰
擔任村長 10 年的郭海賢表示，收地滅村迫在眉睫，希望為下灣村紀錄歷史，與其找回舊相片，不如將紮作花炮重現眼前，故去年初聯絡香港紮作業聯會主席冒卓祺，「拍膊頭」請對方以村內相傳的「炮膽」重做一個花炮，盡可能原汁原味承傳此節慶，「土地除咗係我哋一個宗教信仰之外，亦都係維繫村民感情嘅一個圖騰，所以下灣村村民係好重視，我哋歷年風雨不改，都要喺（土地）誕辰嗰日同佢慶祝。」
一條大馬路之隔的河套港深創科園區正在施工，推土機捲起的沙塵滾滾，創科發展即將殺入至下灣村一帶。郭海賢透露，政府原訂今年第三季入村收地，以發展新田科技城，但當局的最新消息是收地將推遲兩年，土地誕亦可「續命」，「呢個土地活動都仲有兩三年做，我哋村民係好珍惜呢個機會」，惟至今當局仍未就安置賠償與村民磋商，土地神的去向仍是未知之數。
他慨嘆，不少年邁村民向他哭訴，請求他向政府要求推遲收地，讓他們在村內終老，惟他無奈嘆道，對此無能為力，坦言讓政府扭轉決定的機會渺茫，連重建下灣村亦不見得有出路，「我條村係彌漫住失落、悲傷，畢竟下灣村都過百年歷史，我哋幾代人喺度住，我哋世世代代都好愛呢個地方。」
此植根落馬洲過百年古村逃不過滅村命運，郭村長黯然嘆道，曾希望為下灣村紀錄簡史，但初代居民已仙遊，口耳相傳的歷史不少已變成空白，只能轉為透過舉辦土地誕留下此村僅餘的印記，「我最後講句，下灣村大門永遠打開，你哋幾時嚟都得，唔係話一定過時過節嚟，你哋有興趣都可以行下，隨隨便便就得，呢度非常太平！」
