雅虎香港新聞 大角咀美食︱泰國媽媽主理 $50三餸飯！$10碗足料冬蔭功湯
大角咀有間泰國餐廳索性以泰式兩餸飯做主打，$50就食到三餸飯，背後廚房還是由泰國人操刀，內文即睇：
疫情帶旺外賣市道，之前爆紅開到像便利店一樣的「兩餸飯」店不復當時勇，卻仍然大有市場。大角咀有間泰國餐廳索性以泰式兩餸飯做主打，$50就食到三餸飯，背後廚房還是由泰國人操刀！現時平均日賣過百份，街坊經過就會加餸。
「例如三餸飯中的辣椒膏炒雞，出面泰國餐廳就不多見……」泰好餸老闆女兒Sabrina
【立即讚好】全新 Yahoo Food Facebook 專頁
旺角廿四年泰菜館 搬遷後推街坊價兩餸飯
小店「泰好餸」初落戶大角咀卻不是新餐廳，之前在旺角名叫「真心泰國菜館」， 已做了二十四年之久，早前因為租約問題搬遷，店主兼大廚Bonnie是曼谷人，對「傳統」二字有份堅持，不追逐潮流只做傳統家鄉式泰菜。像餐廳用的青檸、魚露、辣椒，指定用泰國貨，甚至紅、黃、青咖哩都是自己炒。
新舖現時由女兒Sabrina幫手：「例如三餸飯中的辣椒膏炒雞，出面泰國餐廳就不多見，但如果你和泰國人講用辣椒膏炒餸，大家都一聽就明。」用辣椒膏炒過的雞髀肉質地有點像港式咕嚕肉，外脆內腍，香料味濃。簡單的紅咖哩都有心機，普通版外也有加南瓜版，本身已經濃稠的紅咖哩加了南瓜更加甜，更有層次。
必叫！$10冬蔭功湯
三餸飯現時每日有十二款菜式提供，不吃辣的可選黃咖哩雞，青咖哩雞，或泰式豬手，茄子；愛辣的必點辣肉碎炒豆角，用半肥半瘦豬肉，連九層塔，辣椒等炒得剛剛好，叫淨餸回家加料，夠曬平靚正。不得不提這裏有款$10/碗的足料冬陰功湯，未飲已經聞到香茅香，湯麵帶點紅油，入口香氣四溢又有辣勁，當中的菇片都煮得爽脆不會過腍，cp值非常高！
堂食推介 焗大蝦咖喱包
餐廳的三餸飯暫時跑出，不過小店並非外賣餐廳，也設堂食，同樣由Bonnie主理。招牌「泰式咖喱大蝦焗麵包」，五隻手指size大的虎蝦，連黃咖哩煮好在巨型農夫包內，咖哩加蛋及奶煮開，幾乎完全不辣，微甜creamy滑溜，虎蝦殼沾了甜咖哩汁，好食到要啜手指！餐牌整體價錢都非常大眾化，絕對是區內親密又抵食的泰國菜館。
泰好餸
地址：大角咀利奧坊旁牡丹大廈北座地下9號舖(地圖按此)
電話：2191 4967
全新訂座平台「Yahoo訂餐廳×Openrice」正式上線！
更多大角咀美食推介
大角咀美食︱蚊型小店馬來椰爺！自炒無味精叻沙醬摻摻+惹味叄巴咖喱湯麵
自助餐優惠｜大角咀60分鐘素食自助餐半價低至每位$34 外賣任選菜式餐盒只需$30
大角咀美食│清新café任坐不設時限！店主：客人都很體貼及自律
大角咀美食│台式火鍋放題店犇殿新推一人鍋！二人豪華下午茶+台式定食
大角嘴美食│良心餃子店$10四隻爆餡煎餃！疫情下每月蝕錢堅持不加價
【大角咀美食】浪漫韓式咖啡店My Ahjussi 咖啡師唇語解讀幸福秘方
【大角咀美食】晚市$38/碗酸菜魚？二人份量 每枱限叫一份！
【大角咀美食】Lunch午餐推介5間：咖哩牛坑腩麵+即包山東墨魚餃+迷你麻辣香鍋
【大角咀美食】抵食印度素菜館！$20印度煎餅？店主：捱唔到就可能唔做
【大角咀美食】超平民隱世壽司店！$22海膽壽司+$9三文魚腩壽司
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
