東張西望｜天水圍2男1女露天平台疑演活春宮 梁敏巧親聯事主友人大爆內幕
日前網上流傳兩男一女年輕人於天水圍天逸邨停車場平台上演活春宮嘅影片；兩男一女疑似進行性交，其中一名男子更被懷疑吸食太空油。警方隨後以涉嫌「作出有違公德的行為」拘捕一名18歲本地男子、一名16歲本地男童及一名16歲本地女童，另外又喺該兩男子住所搜獲太空油煙彈，涉嫌管有危險藥物。昨日（6日）播出嘅《東張西望》，主持梁敏巧到天水圍訪問街坊，街坊們表示道德淪亡，又指該位置出面就係天台，平時好多人經過，但就成日見到有學生喺嗰到吸食太空油。
梁敏巧又與一名認識事主嘅觀眾Peter（化名）電話訪問，對方表示影片中嗰幾個男女經常喺區內吸毒：「淨係認識中間嗰位女事主，然後喺後面除褲個男事主。佢哋每日都會吸食，但通常都係夜晚，就會機不離手咁食。」又透露佢哋大概一、兩年前開始吸食，不過就未曾發生同類型事件：「之前冇咁大件事，佢哋頂多會爭住食，有時會大打出手。通常會喺夜晚食，會去公園或冇人嘅地方、後樓梯之類。」續指，呢啲地方好多人經過，唔應該發生呢件事。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
