楊千嬅吳彥祖相隔多年激罕合體 《新紮師妹》許紹雄「鍾sir」再教寫字

愛情喜劇電影《新紮師妹》系列為唔少人嘅集體回憶，飾演糊塗女臥底「方麗娟」嘅楊千嬅及演繹黑幫龍頭養子「區海文」嘅吳彥祖亦因電影爆紅。日前，楊千嬅和吳彥祖於社交平台分享合照，勾起昔日回憶殺；原來，二人再次聚首嘅原因係為一個運動服裝品牌進行廣告拍攝。

楊千嬅於帖文寫道：「阿文，好耐冇見。今日夢幻般再相遇，相隔20多年，感覺依舊，顏值依舊，最開心的是，看到你與家人過得幸福快樂，這次匆匆相遇，還有說不盡的話題，期待下次再見。」吳彥祖則用英文發帖，表示距離二人第一次合作已過咗25年：「快樂時光！美好的回憶！時光飛逝，如今，我們都是中學生的父母。

不過，照片嘅焦點係當年戲中方麗娟送給區海文的掟煲禮物「樣衰阿闊」公仔，唔少網民留言充滿回憶：「「回憶返晒嚟」、「滿滿的回憶，希望兩位將來在螢幕上再有合作」、「個掟煲禮物竟然仲喺度」、「個掟煲禮物竟然仲喺度」、「顏值天花板合體」等等。

另外，當年許紹雄於電影中飾演鍾sir，為令黑社會教父相信自己係方麗娟爸爸，就解釋點解唔同姓時，又創造咗個「SIR」字。由許紹雄(Benz)、許惠菁（Charmaine） 、何基佑（Kay）以及幾位幕後人員合力打造嘅「好多士」Channel，日前邀請到楊千嬅作嘉賓，許紹雄即場教楊千嬅寫佢個大名，指實在「活到老，學到老」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！