雅虎香港新聞 渡船角美食｜八文樓地舖西餐小店或成絕響？店主：重建後小店一定消失 冇可能搬入去
「重建後變商場或商業區，租金高漲，現時所有小店一定消失，亦無可能搬入去，好似我三年前一個人嚟開舖，主要都係因為租金相宜。」店主Tony
當九龍城重建計劃鬧得沸沸揚揚，大眾憂心傳統老舖風味小店或成絕響。這邊廂，佐敦渡船角八文樓也暗湧不斷。早前公佈的「油旺重建規劃研究報告」中，位於佐敦道及渡船街交界的八文樓被納入「西九龍門戶綜合發展」。簡言之， 該區將面臨清拆、重建、再規劃。八文樓附近的街坊小店，自然首當其衝受影響。
【立即讚好】全新 Yahoo Food Facebook 專頁
重建後 小店不復再
文苑街西餐廳「Tony's Hell」老闆兼大廚Tony性格爽直：「都有同附近相熟店主傾過，大家都覺得暫時影響不大。重建計劃可能是十年後的事，到時大家或者已經不做，或者搬舖了。」Tony不是佐敦街坊，他的店2019年時由大角咀搬到現址。在八文樓地舖開業三年，他認為重建有利有弊：「好似早排文苑樓（編按：逾50年樓齡）外牆有一條大裂痕，屋宇署要即時做加固工程。我哋都擔心客人出入安全，叫佢哋盡量行另一邊。由呢個角度睇，重建係有必要，因為樓齡太舊了，有潛在危險。」Tony說。
弊處？當然離不開萬惡的貴租：「重建後變商場或商業區，租金高漲，現時所有小店一定消失，亦無可能搬入去，好似我三年前一個人嚟開舖，主要都係因為租金相宜。」
重建後最受影響的 不只是小店…
於八文樓工作三年，Tony感受到附近小區獨有的人情味：「小店店主會更明白大家之苦，有時唔記得補課貨，無外賣餐具、餐盒、膠袋、甚至調味料、零錢，都會借俾對方應急，絕非惡性競爭關係。」說到街坊，Tony感受特別深，年前全城瘋搶口罩、漂白水，他買了一大批回來免費派街坊 ：「那時才知道街坊中真的很多公公婆婆，年齡層比我想像中高，所以說到八文樓重建，最令我擔心的其實不是小店，因為小店始終可以另覓地點。但年紀老邁的公公婆婆呢？他們已經適應了這社區的生活多年，要他們再適應，將會很吃力，唯有希望當局有更完善方案去處理。」
招牌豬手 + T骨牛扒 + 清酒煮蜆
人情味重要，但吃下肚的始終是食物。Tony入廚廿六年，日本新疆意大利法國韓國菜他都做過，最高做到總廚，對食物質素要求高。由大角咀年代的fusion菜，到今日他口中的「正常」西餐，菜式少了花巧，卻更親民貼地。招牌菜德國豬手，豬手先慢煮24小時至軟腍入味，再搽蜜糖把豬手皮烤脆，上碟後再搽一層蜜糖在面，外皮脆卜卜，肉嫩帶甜，配烤香的水牛芝士已經好正。
另一招牌T骨牛扒，不用醃肉，直接在熱鑊上煎封。刻意挑選西冷中連牛柳的部位，兼顧了牛香及嚼口。簡單小食如清酒煮蜆都有心機，到街市挑選新鮮大隻的蜆，洗淨後以蒜及清酒烚煮，酒香夾蜆肉鮮甜，送酒一流。
不敢樂觀 要食趁早
重建大刀未殺到，說到未來，Tony卻不敢樂觀：「以往儲落的熟客移民走了七成，現時除了街坊，都是做街外客及生客，加上經濟環境唔好，經營比以往困難好多，如果生意無大改善，我都未必會做得長，這幾年，心很累。」粉絲們收到嗎？別到心儀小店消失後才一窩蜂排隊打卡紀念，想食，就要book位了。
重建背後，美食面前，請大家繼續密切留意「渡船角 度度食」的故事，專訪影片將陸續於Yahoo!TV上映，敬請期待。
「渡船角 度度食」獨家優惠
Tony's Hell：堂食惠顧$500送清酒煮蜆一份（價值$180）
*只需下載Yahoo app（按此下載），免費登記成為會員，即可免費獲得YPoints兌換優惠。
Tony's Hell
地址：佐敦文苑街38號地鋪(地圖按此)
電話：3705 3610
全新訂座平台「Yahoo訂餐廳×Openrice」正式上線！
更多佐敦美食推介
佐敦麵包店︱日限50個！湯種發酵爆餡芋泥包+D24榴槤果肉包
佐敦美食│廟街日式甜品店即叫即做！日本新紀元雞蛋做梳乎厘pancake
佐敦café│小店生意清零全日賣唔出一杯咖啡 咖啡師店主：為疫情後計劃仲實際
逸東酒店Terrible Baby週末早午餐$280任飲兩小時＋一款自選海鮮菜式（附預訂網址）
佐敦飲茶｜逸東軒點心優惠！$38/款 30款任點 蝦餃＋燒賣＋流沙包 主菜單7折
壽司郎佐敦｜SUSHIRO首店同區重開！2022年登陸佐敦薈 又有得食平價拖羅＋海膽壽司
佐敦美食│純白天藍希臘風打卡café！ $55食到鮮果雪糕窩夫
佐敦美食推薦合集！流水蝦放題/Igable網紅火鍋店/爆紅法式布丁
佐敦美食｜核數師開日式Café 夜晚變居酒屋！必試松屋式咖啡/本地出品蛋糕啤酒
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載
