聲夢小花姚焯菲曾介意負評終學懂看開 Chantel：同一個樣可以有人話你靚有人話你醜

聲夢小花姚焯菲（Chantel）岀道至今吸引了很多「小菲象」（粉絲名），同時亦被很多Haters攻擊，面對種種評論令其心情大起大落。如今已成年的Chantel不再介意外界的負面評價，將注意力放在欣賞她的人身上。

Chantel於Threads貼岀早前與粉絲的合照，並有感而發：「《女神》 出左街之後，我突然諗返起呢張相。 呢張相係新西蘭影嘅，然後果位fans post左上網。

轉個頭第二日一起身，我收到好多負面訊息、見到香港嘅articles 都係到講緊呢張相。我記得果朝仲要係放完假第一日返學，所以加埋呢啲新聞，心情特別差。

但係我好快諗返起影呢張相嘅同一日，著住同一件衫、素顏，我去左間餐廳。有一位陌生人媽媽突然走過黎同我講左聲 “you are so beautiful”。我個心暖左一暖，但係冇諗過呢句說話對第二日嘅自己會有幾重要。

重要嘅原因係我學識左 同一日 同一個樣可以有人話你靚 有人話你醜，呢啲評語已經唔需要在乎。反而唔好被呢啲評語動搖自己嘅自我價值先係最重要。

同埋唔好忘記呢個世界好多人會唔欣賞你，但係總有一個會。一個已經夠。

所以未睇嘅朋友快啲睇啦😁 幫你打氣 yayyy」