與天地對話｜ 余文樂為家人甘變湊仔公：好多人以為我好鍾意去玩

余文樂踏足位於澳洲昆士蘭州首府布里斯班附近的一個島嶼—北斯德布魯克島、登上玻璃屋山頂峯、及到訪被譽為全球十大沙灘之一的白天堂沙灘，在節目中首度親揭停工七年的原因，原來一切全因身邊人對他的誤解，他說：「好多人問我：『點解你好似唔係好想做嘢咁？其實有好多年架喇，我啲同事都話：『真係唔知幫唔幫你接（job）』好多人會覺得：『你好似唔係好想撈喎！』我真係唔係！…咁其實我係好想繼續拍戲，我會繼續拍戲添，不過我唔會好強求呢樣嘢，我會做好自己本份，到呢個機會出現喇，我就好好把握。」

成家立室及當了爸爸後將家庭放得更重的余文樂，坦言現在陪伴家人比完成工作重要：「做嘢係做唔完，冇嘢係做得完，尤其是我哋呢一行…要記得唔好等屋企人出事先陪佢，有時間嘅時候，就多啲陪佢哋，我覺得呢樣嘢大於一切。」為了爭取時間陪伴家人，余文樂除了向經理人表明減產，就連朋友的邀約也近乎一一拒絕：「好多人都以為我好鍾意去玩，其實我冇玩好耐，呢個可能講咗出嚟好多人都唔會信」，說畢，余文樂即扮打電話模擬好友平時邀約外出情景：「點呀，做緊咩?」、「餵緊奶」；「喂！做緊咩?」、「掃緊風」；「喂！食唔食飯？」、「睇吓佢瞓成點先啦。」其實唔係佢逼你唔出去，而係你都唔想出去，你好想見證住佢長大，或者你好想陪住佢。」

原來小時候的余文樂，因為父母忙於搵食，主力由姨媽湊大，平時只有星期六、日才有機會與父母見面，亦因此令余文樂和哥哥免不了抱怨：「細個嘅時候會覺得，點解個個小朋友都有人接放學，得我冇嘅？咁點解每個禮拜，都係得禮拜六、禮拜日可以同阿媽阿爸老豆見面？我好記得，每個禮拜日嘅夜晚，我就一定喊，因為要返去我姨媽屋企，我哥就要返我婆屋企。變相我哋13、14歲開始就有啲反叛、會頂嘴話：『你有照顧過我哋咩？定係我哋畀阿婆姨媽就算喇？」咁我媽（當時）係好傷心又好嬲。」余文樂坦言直到長大後，他和哥哥才明白父母之苦：「你估佢哋想㗎咩，唔通我媽話畀你聽佢搬緊貨咩？唔通我老豆話畀你聽佢跑嚟跑去揾緊食咩？講都唔明啦。」

因為陪伴著自己長大，余文樂自小視姨媽為「第二個媽媽」：「咁我姨媽同我真係好親好親」，可惜當這位「第二個媽媽」病危時，余文樂卻因為身處泰國拍戲、未能及時買到趕回香港的機票，而錯失見姨媽最後一面機會，令余文樂十分自責。想知余文樂更多與家人的相處點滴，密切留意今晚播出的《與天地對話》。