謝霆鋒型爆帶全家飛日本 Quintus賣口乖勁氹狄波拉
型男謝霆鋒今個聖誕做孝順仔,同妹妹謝婷婷帶媽咪狄波拉飛日本玩,同行仲有二人嘅子女,令狄波拉首次與仔女及孫仔外孫女一齊旅遊,過一個難忘又溫馨嘅天倫假期。每年冬天必去日本滑雪嘅霆鋒,亦有趁今個trip玩番夠本,被大批網友偶遇,更獲男神貼地逐個合照,心情明顯靚靚。
而狄波拉去到日本,都首嘗夾公仔嘅樂趣,有多位孫仔孫女陪嘅佢,就如有神助般第一次夾就夾到大大個卡通公仔,Quintus更暖心為嫲嫲拍片為證,又口甜舌滑誇狄波拉係「神奇嫲嫲」,氹到阿嫲笑不攏嘴,果然一家人過節先係最開心,認真Sweet爆。