鄧麗欣明年3月首踏紅館開個唱 好姊妹吳雨霏爆Cookies有望重聚？

鄧麗欣（Stephy）早前宣佈2025年3月踏上紅館，舉行首個個人紅館演唱會《STEP by STEPHY 鄧麗欣紅館演唱會2025》，優先購票更火速售罄後，其後宣布喺3月16日加開一場！好姊妹吳雨霏（Kary）噚晚（5日）出席聖誕亮燈活動，除咗預告聖誕將與家人出埠之外，仲話會去支持Stephy紅館演唱會及表示Cookies有望紅館重聚？

被問到會唔會做演唱會嘉賓，Kary就話要等Stephy公佈，不過見到Stephy可以夢想成真，好戥好姊妹開心，同時Kary表示自己有啲技癢，不過屋企有三個小朋友，所以要學識點樣分配時間先。不過佢亦都話紅館開個唱係其中一個目標。

至於如果Stephy要佢哋再跳《心急人上》嘅話，Kary就話呢個會好爆，唱就一個可以唱到。不過要集齊9位成員就有啲難度，不過佢就覺得冇嘢冇可能，要睇Stephy可唔可以call得齊人，佢仲話覺得如果可以喺紅館做到係好有意義。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！