【電影LOL】迪士尼為《花木蘭》報名爭奧斯卡15大獎 劉亦菲甄子丹角逐影后男配角

今年美國電影金像獎延遲到4月先舉行，但係提名期已經展開，唔少片商都準備好提名名單。

日前迪士尼就為上年其中一套重頭戲《花木蘭》報名，角逐奧斯卡15項大獎，包括最佳電影、最佳導演、最佳改編劇本以及一系列幕後大獎。而女主角劉亦菲就獲提名角逐影后，同片嘅鞏俐會競逐最佳女配角，至於「宇宙最強」甄子丹同馬泰就獲提名最佳男配角。

見到呢個名單唔駛太大反應嘅！每年頒獎禮旺季，片商都會喺電影刊物以及行內通訊，登廣告列出提名名單，並且會用For Your Consideration叫各位評審考慮下支持支持，唔代表一定有提名，甚至有冇獎都未知。雖則迪士尼上年片單比較弱，但係動畫片Soul 嘅反應唔錯，以戲論戲都秤贏一仗。

再者今年奧斯卡容許網路影片平台作品參與，競爭變相激烈，劉亦菲要爭影后？隨手都數到一堆對手︰Nomadland嘅Frances McDormand、Ma Rainey’s Black Bottom嘅 Viola Davis、 The Father 嘅Olivia Coleman 同埋Promising Young Woman嘅Carey Mulligan。外媒Variety預測25位有望今年爭影后嘅熱門人選，見唔到劉亦菲個名噃！

奧斯卡投票取向同美國社會風向息息相關，今年拜登上台，有機會令著重人文、平等氣息嘅電影獲得表揚。《花木蘭》之前涉及新彊以及香港問題嘅話題，都可能令電影爭獎方面輸蝕。

更多電影文章

【電影LOL】Netflix大熱《柏捷頓家族：名門韻事》古裝浪漫床戲多多

【電影LOL】露骨短訊爆鍾意SM Armie Hammer驚傳性愛醜聞 辭演天后J.Lo 新片

【電影LOL】Netflix 年度大片巡禮 神奇女俠搭死侍拍動作喜劇有睇頭 眾星雲集Don’t Look Up災難變喜劇

【電影LOL】Marvel高層大爆動向 《黑豹》唔易角 死侍正式加入Marvel宇宙

【電影LOL】《男兒當入樽》電影版不日登場 放心！唔係真人版！

【電影LOL】劉亞仁增肥33磅寒背扮啞仔 Voice of Silence 演低下階層幫黑幫收屍

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！