雅虎香港新聞 電影LOL︳Jason Momoa 《狂野時速10》極搶戲 The Rock不甘寂寞唔拍又拍？
《狂野時速10》今個星期正式上映，呢個賺錢系列由開拍到上映風波不斷，成班肌肉爆棚嘅男人經常隔空互片，系列創作主腦、編劇兼導演林詣彬(Justin Lin）頂唔順光頭佬Vin Diesel索性辭職唔做，臨時換導演！
Vin Diesel又同The Rock Dwayne Johnson就拍攝剪接問題反面，2人成日喺社交媒體放冷箭。而Vin Diesel 最後因為已故系列男星Paul Walker好聲好氣叫過Dwayne Johnson回歸《狂野時速》大家庭，不過Johnson實牙實齒話一定唔會再拍《狂》！
《狂10》近日喺羅馬舉行首映禮，Vin Diesel會上表示《狂10》會分上下兩部分別上映，仲透露片廠高層睇完試片即刻提議佢拍多集《狂12》，將最終章變成三部曲，而佢本人會積極考慮！又話今集會係系列最終章，拍完12又可以繼續拍一堆外傳，其實《狂》唔會完？
********************留意下面有劇透**********************
。
。
。
。
而一眾參與首映嘅媒體人就爆咗個大花絮，話自己死都唔會再拍《狂》嘅The Rock，將以彩蛋形式喺片尾end credit完哂後出現，留條尾《狂10》下部或者《狂12》再出現？
呢啲反口嘅舉動並未得到粉絲讚賞，反而狂笑The Rock以為自己手揸DC超級英雄《黑亞當》，先至聲大大唔玩《狂》。結果因為《黑亞當》票房失利，佢又大搞動作左右「超人」發展，最終DC換埋James Gunn上場話事，全盤推翻The Rock嘅超級英雄計劃，結果依家要跪住返《狂野時速》系列。
《狂10》講述當列度（Vin Diesel 飾）與他的大家庭，多年來齊心克服了無數險阻與不可能任務。但他們正要面對一位可怕的復仇者勁敵——卷帶回到2011年《狂野時速5》，當列度和拍檔鏟除了巴西毒梟Hernan Reyes後，其兒子Dante（Jason Momoa 飾）原來目睹一切，並蟄伏足足12年精心策劃報仇大計！
Dante的陰謀席捲洛杉磯、羅馬、巴西、倫敦、葡萄牙以至南極洲，勢要全方位粉碎當列度的大家庭。新盟友加入相助，舊敵人再次現身；但當列度面對的最大危機，是發現8歲兒子成為了對方最終復仇目標！
據聞今集新加入嘅Jason Momoa 非常搶鏡。有個後生啲一樣咁大隻又搶鏡嘅男星加入，The Rock嘅Hobbs就算回歸都應該會少好多戲份，所以話做人幾時都要識計數知分寸。
更多電影文章
電影LOL 今期睇咩戲︳日麗／電子靈／鬼玩人：復活／潛眠叛變／緣來可以愛多次／指尖觸到的愛／來自雪國的遺書／驚天救援
電影LOL︳邦女郎Ana新片荒島尋找人生意義 片廠爭崩頭多得編劇罷工？
電影LOL︳楊紫瓊老是常出現 《綠野仙蹤前傳》演校長 仲有十套新戲新劇預佢
電影LOL︳拎完奧斯卡當堂有牙力 珍美李寇蒂斯終於促成《衰鬼媽咪》拍續集
電影LOL︳又一套長片名台片 《請問，還有哪裡需要加強》黑幫大佬洗頭洗到出……
電影LOL︳搶人才！DC主腦爆料︰會帶《銀河守護隊3》演員去拍新《超人》
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
