Yahoo娛樂圈 ｜《無用的謊言》專訪 姜濤怕面對人群曾出奇招隱藏身份 煞科戲飛撲壓住Stanley直呼過癮
ViuTV 即將播出新劇《無用的謊言》，改編自韓國同名懸疑喜劇，由姜濤、邱士縉 Stanley、葛綽瑤 Yoyo 主演。劇情講述擁有識破謊言能力的陸芊雨（葛綽瑤飾），遇上天才作曲家文祖和（姜濤飾），卻發現他捲入一宗少女失蹤謀殺案之中。
姜濤、Stanley 在訪問時憶述最深刻的對手戲，是一場與郭嘉駿 193 的追逐戲。當時， Stanley正在追逐 193，但姜濤就突然從旁飛撲過去，整個人壓在 Stanley 身上。被問到被姜濤壓住的感覺如何，Stanley 就笑指「好幸福、幸福囉！（點解咁講？）都係人在江湖啦⋯⋯」
姜濤指，該場追逐戲是他的煞科戲，所以他便用盡力氣壓到 Stanley 身上，「我（壓落去嗰陣）隻腳係離地，但最後我決定都係踩返上去。」Stanley便立即回應：「唔怪得之我走唔到啦！」姜濤又直言，「嗰場戲我好過癮！仲要可以喺臨收工前壓住Stanley，好開心！」
姜濤：出道至今仍不習慣面對人群
姜濤所飾演的角色文祖和，因為被懷疑是殺人犯而受人唾罵，多年來只好隱姓埋名，僅透過作曲與外界接觸。姜濤就認為自己和劇中角色十分相似，笑言「最直接嘅就佢（角色）嘅裝扮同我平時都好似，戴帽、戴口罩、黑色衫，甚至劇入面嘅衫其實都係我平時着嘅衫嚟！」
不過，姜濤覺得自己和角色最相似的地方，是要常常躲避人群，「雖然我哋躲避人群嘅原因唔一樣，但個核心都係唔想比人認得出。」他指，劇中角色是因為無法面對「自己」才與世隔絕，而姜濤則是不敢面對公眾，坦言，「我由出道到依家，我都係會有啲唔慣。好似有人喺條街上面見到你，佢唔會即刻搵你，而係喺隔離同好多人講，就會越嚟越多人講你。當你 feel 到人哋講緊你嘅時候，就會感覺好唔自然。」
姜濤曾為隱藏身份出奇招「講大話」
被問到最深刻的「講大話」經歷，姜濤就憶起剛出道時，他曾為了迴避公眾而換上奇裝異服，「啱啱出道嗰陣好白痴！嗰陣我着背心、拖鞋，戴住假髮搭地鐵，着到好阿叔咁，我想試吓着到咁係咪冇人識。」
不過，最後他的謊言都被人識破，「其實嗰陣九成都冇人識穿嘅，不過最後有一個人（認得出），咁我就尷尬啦。一係就唔好比全部人知係你，一但有人知係你，但你又着到咁（奇怪）⋯⋯我自此就冇再咁着過！」
Stanley 對母親說謊十多年未被識穿
而 Stanley 就道來他的一段童年往事，「嗰陣我阿媽返工，我自己一個喺屋企，但又落街同朋友玩⋯⋯點知出街閂鐵閘嘅時候就 boom！哎呀！唔記得帶鎖匙喎。跟住我好驚，就格硬踢爛咗道門，成個鎖就飛咗出嚟！」隨後，Stanley 就強行將鎖頭塞回原位，當作一切如常。
誰知，Stanley 的母親當晚回家時開鎖，鎖頭就馬上又再次脫落。Stanley 當時便立即假裝事不關己，反怪責母親「哦！你做乜整爛個鎖呀！」而他的母親便一直認為是她弄壞了門鎖。
但反被問到會否接受他人說謊，Stanley 就認為比起謊言本身，他更在意說謊的原因，「我都接受到人哋講大話嘅，如果係嘅就盡量唔好比我知。但都會了解返咩事啦，但我就唔會好執着係咪一個大話。現實就一定會講大話㗎啦……我相信唔會有人係冇講過任何大話。」
Credit：
姜濤服裝: I.T
邱士縉服裝：Burberry
姜濤、邱士縉造型：PIPA Creative
姜濤、邱士縉化妝：Giann Cheung @Annie G. Chan Makeup Centre、Mayling Suen @Annie G. Chan Makeup Centre
姜濤、邱士縉髮型：Man Chan @CHIC Private I salo
