Kayan9896上節目致電舊公司惹風波 饒舌歌手TIAB發文認係電話中人：咁大班人恰個女仔

26歲kayan9896（吳家忻）近日獲邀請擔任YouTube節目《醉酒Don’t Call》做嘉賓，期間玩遊戲輸咗打電話俾舊公司嘅同事問有冇嬲佢離開。節目出街後，「試當真」隨即喺Threads出PO否認有台前幕後接收過電話，令事件出現羅生門局面。剛剛叫饒舌歌手TIAB於threads出post，自認就係電話中人。

饒舌歌手TIAB指：「唔使估啦，電話個個其實係我，冇諗過咁真誠嘅對答都滿城風雨，咁大班人恰個女仔，睇嚟好多人想佢死，但我就撐佢，吹咩」TIAB並非試當真成員，而係一間音樂公司嘅老闆，旗下就簽有Kayan，雙方一直以來喺音樂上合作，為Kayan出歌。所以所謂Kayan致電嘅前同事，其實係呢個朋友，而非大家想像中嘅試當真成員。