雅虎香港新聞 【三餸一湯食譜】西式晚餐！法式忌廉焗薯/羅宋湯/菠蘿火腿薄餅/美式炸雞翼
三餸一湯食譜時間又到！日日煮飯煮到唔知今晚食乜好？出街食又好似好趕時間，食得唔夠盡興，不如自己在家整個薄餅，炸個美式雞翼，再煲個足料羅宋湯，在家一樣可以吃到美味西餐，加多個法式忌廉焗薯，就真係有西餐廳格局，請朋友返屋企一齊開心Share就最正，即睇如何製作西式三餸一湯：
【立即讚好】全新 Yahoo Food Facebook 專頁
法式忌廉焗薯（1人份量）
時間：25分鐘
做法
薯仔削皮，切薄片，浸泡水份洗走多餘澱粉。牛奶和淡忌廉加入蒜粉、鹽和黑胡椒，細火慢慢煮至稍濃稠，熄火備用。
將薯仔片拌入牛油溶液拌勻，然後鋪在焗盤中，放平。放入微波爐高火加熱3度至半熟，取出。
將忌廉牛奶加入焗盤中，放入已預熱的小烤箱以攝氏180至200度加熱10分鐘。檢查牛奶液是否已吸收。取出，撕上芝士片，再用200度加熱3至5分鐘至芝士溶化即可。
羅宋湯（4人份量）
時間：2小時25分鐘
做法
牛腩切大塊。冷水入鍋，加入薑葱，汆水15分鐘，撈出。燒熱油，放入牛腩，煎至表面帶焦色，盛起備用。另煲滾3公升水，先加入椰菜、甘筍和紅菜頭，還有切半的薯仔。
原鑊加入洋葱和蒜頭爆香，再加入番茄和西芹同炒，下茄膏炒勻。在湯煲取滾熱蔬菜水1公升，灒入鍋中正在炒的菜中，炒勻，再水連材料倒入湯煲中。
加入牛腩，再加入香葉、胡椒粉和原隻辣椒，開大火滾10分鐘，收中細火煲2小時。期間煲1小時後，先把薯仔取出，然後繼續煲。至2小時，熄火焗半小時，撈出牛腩，連同薯仔切成一口大小，放回煲中。再次開大火，加入醋和鹽調味，可適量加黑椒調味。
菠蘿火腿薄餅（2塊22厘米薄餅份量）
時間：20分鐘
做法
薄餅預拌粉加水和油拌1分鐘。在碗中搓揉2分鐘，分成兩份，放置5分鐘。菠蘿和火腿切小塊備用。
平底鑊薄掃一層油，鋪上一張煮食用牛油紙，把一塊麵糰放入鑊，再鋪一張牛油紙，用手把麵糰壓至2毫米厚。
用叉子在麵糰表面插10下。先開中火，將麵糰煎3至5分鐘，至底部有啡色，便兩面不時反轉。熄火。
塗上番茄醬汁，放上菠蘿和火腿，再撒Mozzarella芝士，蓋上，中至細火焗3至5分鐘至芝士溶化。撒香草裝飾。
美式炸雞翼（2人）
時間：30分鐘 (未計醃雞時間)
做法
雞翼加入醃料，用手抓醃加快入味，放入雪櫃醃1小時，取出，抹乾雞翼再風乾。
牛奶加入白醋拌勻，靜置5分鐘。炸粉材料拌勻。
雞翼先沾上一份炸粉，再沾牛奶，然後再滾上一層炸粉，拍走多餘的粉。
小鍋燒滾油，再收中火，放入筷子見有泡泡即可。加入雞翼炸至挺身和金黃便撈起。待全部雞翼炸了一次，開大火把油再次燒滾，再放入每隻雞翼炸5秒即可。
更多三餸一湯食譜
【三餸一湯食譜】宴客晚餐！芝士大蝦伊麵/酸菜魚/清湯蘿蔔牛腩/章魚蓮藕湯
【三餸一湯食譜】夏日晚餐！涼拌雞絲粉皮/粟米魚塊/電飯煲版蟹焗飯/老黃瓜蟲草花湯
【三餸一湯食譜】消暑晚餐！花旗參石斛烏雞湯/煎蓮藕餅/粉絲煮大蜆/醬青瓜
【冬瓜食譜】去濕冬瓜水 甜 清熱 消腫去濕 素湯 (附影片)
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
文、攝：謝翠玲
