雅虎香港新聞 尖沙咀壽司店晴空改做團購外賣omakase 曾跟日本名廚學藝 老闆：起碼出到糧俾夥計先
尖沙咀往日熱鬧非常，但疫情影響下人跡稀少，餐廳生意難做，尤其高級日本餐廳，即使改做外賣，生意亦寥寥可數。曾跟米芝蓮級日本大廚學藝，又曾擔任總廚級數的晴空日本料理店主們，本以為亦要關店一陣子，卻在各方支持下成功走入團購之路。
【立即讚好】全新 Yahoo Food Facebook 專頁
走投無路下把握機會 團購幫出糧
問到改做團購外賣，不怕給人「做cheap咗」的印象嗎？ 晴空老闆兼總廚的KC苦笑說：「做團購後，起碼可以出糧俾夥計先。同事個個都有老有嫩要養家。」第五波疫情殺到，加上政府的禁晚市堂食令，市面一片死寂。對於主打新鮮食材的日本餐廳來說，食材控制變得艱難，為免浪費食材，不少高檔日本餐廳都選擇停業，「試過連續幾日收入都係零，唯有星期一至三直情唔開，只做外賣。」在開店後一直幫忙，KC的姐姐Holly無奈道。
「送貨司機本身都係晴空嘅客，佢亦可以喺疫情中搵多份收入。」晴空老闆姐姐Holly
可幸是徬徨時，有位客人向他們提議，不如試下搞團購呀？「嗰刻諗都無諗過就決定做，開始訂外賣盒、搞Google Form、社交平台出Post等。」由高質日本餐廳搖身變成團購，Holly沒有一絲猶疑，坦言：「我哋已經走投無路。」
小店藏日本菜大師 自選大丼超打卡
雖然說是小店，但晴空兩個老闆KC跟Wing並非泛泛之輩，KC曾於遠赴東京學藝，並於中環高級食府「鮨野」跟銅鑼灣「藏」擔任總廚；Wing就曾於米芝蓮2星Sushi Ginza Onodera跟日本名廚齋藤正樹學藝，兩人經驗豐富，因此團購決不馬虎，推出多款選擇，包括廚師發板壽司或刺身等，款款精緻。
賣相相當吸引，較特別的是外賣當日都有岩手縣生蠔刺身，清甜肥美，亦有海膽跟拖羅等高級食材，但比起堂食少了茶碗蒸。
除了壽司外，亦有熱食供應，牛扒軟腍多汁，佐飯一流。
「團購玩法好簡單，多數係有客本身就落咗Order，我哋再喺Facebook出Post，睇下可唔可以夾到單，幫客人降低運費。」Holly說，送貨最重要就是穩，特別是送食物，車手一個不留神食物就會全數盡毀，「好好彩地而家都未俾客人投訴過食物質素，送貨司機本身都係晴空嘅客，我哋對佢有信心，佢亦可以喺疫情中搵多份收入。」她言談中不時感謝客人友善的幫忙。但好人好事不止如此，晴空在一月份時曾製作一份巨型大丼飯給一名醫生客人，經醫生在社交平台介紹後，結果吸引診所其他客人光顧，現在自選大丼亦是團購皇牌之一。
收入減半！團購外賣無法彌補堂食收入
別看他們現在逢星期一至三集中做團購外賣，看似生意不錯，其實團購跟外賣根本無法彌補堂食的收入，「我諗最多都係堂食收入嘅50%，但起碼令我哋到而家都無因為疫情炒過人。」Wing說，「好過大家無工開。」坐到旁的Holly補充。而且即使團購反應好，他們為了保持質素，亦不會接過量訂單，「人手就係咁多，壽司總唔可以一早做好嘛。」KC說道。
4月限定，特意從日本訂購外賣盒，除了拖羅蓉丼亦可以另選炙燒魚生，刺身飯底，份量甚多，豪華抵食。
疫情下重新了解家人
「我諗我哋其中一個賣點，就係小店可以盡量滿足客人每個要求。」Holly說，一直忙出忙入的她原來從未接觸過飲食業，是因為弟弟開店才偶然幫忙，今次疫情關係令她多了時間到店內幫忙，「做家姐嘅，見到細佬扔晒成副身家落去，KC仔細老婆嫩，Wing啱啱先成家立室，可以幫到點都想幫下。」她除了感激各方支持，亦是這段時間才令她更了解弟弟，「以前淨係知細佬做壽司師傅，佢去邊間做我咪跟住去食，但近日先知原來佢之前已經做到總廚級。」她笑言，「我而家好欣賞佢。」
現在大家都一心期望能等到4月20日後再次開啟晚市，但倘若不似如期又能怎辦，「做到幾耐得幾耐。」KC聳聳膊，疫情下前路茫茫，未必能事事盡如人意，幸而一家人團結一起，再難捱也捱得過。
晴空日本料理
地址：尖沙咀金巴利街8號地下1號舖（地圖按此）
電話：46116566 / 62290625
全新訂座平台「Yahoo訂餐廳×Openrice」正式上線！
更多尖沙咀美食推介
尖沙咀Omakase外賣自取優惠！鮨央泰每日限量Omakase外賣菜單 低至$680食太卷/江戶前壽司/一人前
尖沙咀cafe│科幻感韓式café辣椒碎朱古力！甜辣芝士蛋糕+全蛋飯卷
尖沙咀海港城全新上海菜館个園竹語 必食鐵板小籠包+海魚一夜情
尖沙咀美食〡妖怪主題日式串燒店Sakeh！激罕鳥之提燈/串燒配清酒拼盤
尖沙咀cafe│樓上紋身室旁的咖啡店滋滋滋！Homemade焦糖餅芝士蛋糕+特濃朱古力
尖沙咀大型food court勁多打卡位！必食足料酸菜魚+巨型burger+大蝦冬蔭功
尖沙咀美食｜牛八Express開幕！燒肉放題最平$208 航空主題全自動飛機跑道送餐
尖沙咀美食〡Omakase日式燒肉三郎$580位起！浮誇寶盒和牛肉眼+專人代燒牛肉
尖沙咀美食│特色串揚新居酒屋！$1追加串揚日本蠔/三文魚子蝦餅
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
