洪助昇Aiden連走四場Busking 觀濱演出重逢失聯六年好友

歌手洪助昇（Aiden）為宣傳今年首支派台作品《別想跟我再和好》，日前連走四場Busking，分別現身銅鑼灣、旺角及觀塘海濱，認真賣力。這次Busking不僅是Aiden出道後首次街頭演出，更意外地令他重逢六年未見的舊朋友。

Aiden表示希望一直支持他的朋友可以聽到full band versxion，所以這次首唱新歌，特別邀請full band演繹。自出道成為歌手後，原來Aiden已經三年未有busking，所以這次特別緊張，「對上一次已經係出道之前，所以今次好緊張。今次係出道之後第一次喺旺角Busking，緊張過參加《造星》。平時經過見到好多人喺度唱歌，自己未試過，希望同大家未來有更多嘅回憶。」雖然緊張，但事後Aiden亦大讚好玩，「好刺激好似玩City Hunt ，要喺時間內完成所有歌之後即刻去第二度準備。」歌迷的熱情亦令Aiden十分感動，「知道我要準備去第二個location，佢哋衝晒過嚟話幫我手攞嘢。」

此外，Adien還分享了一件趣事，「一開始公佈會去觀塘海濱，有人DM我問係咪用錯Account，睇嚟佢誤會咗我啦，我都只係去唱歌咋，哈哈。」更令人驚喜的是，Aiden在觀濱演出時，竟意外逢一位六年沒見的朋友，「佢移居咗加拿大，一直都冇機會見，最後因為咁樣而撞返，真係好開心。」