42歲徐子淇短裙黑絲造型極吸睛 四孩之母少女味濃全靠6大凍齡法則

42歲徐子淇與香港四大地產商恆基兆業創辦人李兆基兒子李家誠於2006年結婚，被貫以「千億新抱」之稱；二人育有兩女兩子，徐子淇為照顧家庭淡出幕前，同時作風亦見低調，除咗出席與慈善相關嘅活動及家族企業宣傳，甚少出席公開活動及更新社交平台。近日，有網民分享多張徐子淇與老公李家誠於去年12月出席公開活動嘅照片，大讚徐子淇保養得宜。

該網民Po出去年12月6日徐子淇與李家誠出席香港城市大學舉行嘅李兆基學生宿舍村開幕及命名儀式，寫道：「徐子淇和老公李家誠出席集團捐贈宿舍村的儀式，夫婦倆笑容滿面，看起來好恩愛。而且徐子淇這次的穿搭好漂亮，狀態真不像42歲！」從照片中睇到，徐子淇染上一頭金啡色頭髮，身穿西裝褸搭配迷你百褶裙、黑色絲襪及厚跟樂福鞋，造型乾淨俐落，更露出一對修長美腿。雖然有網民認為徐子淇呢身打扮唔夠莊重，金啡色頭髮略帶MK味。不過唔少網民都大讚已是四孩之母嘅徐子淇無論外貌、皮膚狀態定身材都保養得宜。徐子淇就曾分享過自己嘅保養秘訣，即參考以下6大凍齡法則。

徐子淇保養方法1：飲蔬菜汁
徐子淇認為好難一次過食好多唔同種類嘅蔬菜，於是將蔬菜榨成一杯蔬菜汁，並加入亞麻籽、羽衣甘藍，吸收更多維他命、Omega和Omega3。

徐子淇保養方法2：補充活乳酸菌
徐子淇每日都會食足夠嘅活乳酸菌，以增強免疫力，養成健康身體。

徐子淇保養方法3：每朝食水果
徐子淇相信「飯前水果」理論，認為先空腹食水果，等身體先消化完，吸收維他命後先食其他嘢會比較好，因此每日早上都會先食水果。

徐子淇保養方法4：選對食物
徐子淇會有一份營養餐單，當中包括蛋白、水果、蔬菜湯、蒸魚及烚菜，佢又喜歡食營養較高嘅糙米溝藜麥。

徐子淇保養方法5：周末戶外活動
徐子淇曾表示自己平日無咩時間做運動，不過都會保持周末與小朋友戶外活動嘅習慣，包括游水、行山、踩單車，既能做運動，又可曬太陽吸收維他命D補充鈣質。

徐子淇保養方法6：完整護膚程序
徐子淇每日都會做足護膚程序，絕不偷懶，回到家後必定徹底潔面，塗精華、面霜、眼霜。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！