異空感應｜「童年Duncan」楊子漮演活被打罵驚恐情緒 《破‧地獄》演屍體同樣令人印象深刻
TVB劇集《異空感應》正熱播，近日劇情講到Duncan（阮浩棕飾）重遇生父後觸發情緒病復發，自殘身體，更加被陳家樂懷疑係連環殺手；昨日（23日）播出一集，Duncan為引出真正兇手出動苦肉計，但就被困於火場。阮浩棕於劇中表現相當亮眼，而劇情不時出現「童年Duncan」嘅片段，由童星楊子漮飾演的「童年Duncan」，劇中每日活在被打或被罵嘅惶恐之中，情緒掌握亦備受讚賞。
楊子漮現正就讀於小學3年級，4歲入行拍廣告，5歲獲得機會面試無綫劇集《婚後事》，結果成功當選飾演王敏奕和羅天宇嘅兒子；同時，楊子漮又有參演《爸爸》、《破‧地獄》等電影。其中，楊子漮於《破‧地獄》飾演先人「甄茵兒子」，特技化妝師Wilfred Wan為佢化上屍體潰爛特技化妝，惹起討論聲音。面對拍攝及讀書，楊子漮媽媽首先需要囝囝專心讀書，認為佢好識分配時間：「喺學校會利用小息／午膳時間去完成功課，然後放咗學就去拍攝。」楊子漮更得到學校獎學金獎勵；楊子漮表演欲十分強，好鐘意同人交流多有聞，佢係好喜歡同人交流傾偈，份人比較成熟，對於「童年Duncan」一角，楊子漮媽媽收到劇本後，楊子漮聽完劇本已經由心度喊出嚟。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
