雅虎香港新聞 紅磡美食︱燒賣小食店開到凌晨三點 店主：宵夜文化應該由小店開始
紅磡有間新開個多月的小食店，全店主打十款特別口味燒賣，店主希望試行宵夜時段至凌晨3am！即睇Yahoo Food專訪：
「我想開一間舖頭，可以俾人一個星期食足七日，每日都食到唔同口味嘅燒賣。」Hidden Table店主 Keith
港府聲稱短期內要「搞活搞旺」香港夜市，業界反應不一，實際措施如何實行還看專家評論。可以肯定的是，自從疫情退散，防疫措施鬆綁，香港晚市確實大不如前。不少餐廳甚至未到十時已關門。紅磡一間新開的燒賣小食店，店主感同身受：「 老實講我自己都覺得好悶，因為我都係鍾意夜晚出街食飯嘅人，但疫情後呢方面完全未復蘇。夜晚出街嘅本地人少咗好多，餐廳咪愈嚟愈早收囉。但我對香港夜市始終有信心，既然自己開小店，好想試下得唔得。」本職市場推廣的Keith說。
👉🏻全新Yahoo Food Instagram上線啦！立即Follow獲取更多飲食攻略
全店共十款燒賣口味
Keith是燒賣迷，首次做飲食，也是源於熱愛：「 自己食燒賣食得多，有時都覺得好重覆，來來去去唔係辣椒油就係豉油。我想開一間舖頭，可以俾人一個星期食足七日，每日都食到唔同口味嘅燒賣。」也因此，他賣的燒賣口味一共十款，有魚肉也有豬肉 ，有蒸有炸，泰式、日式、四川麻辣、秘製醬汁、黑松露、奶油辣汁……口味全是他心頭好。至於燒賣本身，不是自製，但為了搵到心水貨源，他試了市面上五，六間供應商，「真係試過食燒賣食到嘔。」最後採用現時性價比最高的手工燒賣，甚至親自到廠房參觀，確保質素穩定。
秘製醬汁燒賣 留待客人品嚐
招牌秘製燒賣，刻意不寫明醬汁是什麼味道，Keith想賣個關子，讓食客自己去品嚐，現時已是店熱賣款式。另推介「黑松露炸燒賣」，黑松露蛋黃醬自己調製，燒賣炸得脆口，拌黑松露醬提味 ，不會太乾身，轉眼就食完八粒；「奶油麻辣燒賣」也特別，奶白色的醬汁由蛋黃醬加麻辣打成，creamy帶辣，味道有新鮮感。小店不止燒賣，另有煉奶炸饅頭、秘製醬汁腸粉、巨型蟹柳、墨魚餅、卷卷薯條等，套餐還陸續增加中。
由小店開始 做起夜市
雖然不是紅磡街坊，Keith都做足功課，他發現區內開至凌晨的小食店(不計便利店或連鎖快餐)其實只得兩間，因此他早就萌生開至凌晨的想法：「 香港以往興旺嘅夜市從來都唔係由政府帶頭，永遠都係民間自發做起。我哋做飲食嘅，好簡單啫，條街夜晚夠多人，有人搵嘢食，我哋咪開得夜啲囉。無錯而家一到夜晚條街真係好少人，但我點都想由自己小店開始返宵夜文化，唔知效果會點，但都想試下，試咗先啦，無諗太多。」 他的小食店會由9月開始，試行營業至凌晨3點，到時會推出更多小食如撈麵等， 都是街坊價，區內的夜鬼街坊有口福了。
Hidden Table
地址： 紅磡必嘉街97號(地圖按此)
電話：5590 8508
全新訂座平台「Yahoo訂餐廳×Openrice」正式上線！
更多紅磡美食推介
紅館美食〡紅館附近美食推介10間！勇記海南雞飯/焦糖海鹽粉雪冰/打卡Cafe
紅磡美食︱$40巨型雪糕格仔餅！日賣過百底雞蛋仔+名物章魚燒
紅磡美食推薦最強合集！串嘴車仔麵蒙麵/爆餡芒果班戟/健康椰菜花飯
黃埔美食｜森戶Moritoもりと新店開幕$380嘗13道菜Omakase 免費迷你拖羅海膽杯
【黃埔好去處】七福彩虹隧道/海邊純白Cafe/海景打卡西餐廳
【紅磡美食】車仔麵店八餸麵$52送自製甜品 店主勉勵港人：苦中一點甜
【紅磡美食】80後疫市死場開舖賣$16可樂餅 良心店主：同事要養家保住份工
【紅磡美食】40年歷史茶餐廳開副線 必試生炸雞髀/一口西多/秘製魚滑
【紅磡美食】工廠區覓食：前咖啡師改行賣餃子？最強辣菜脯餃誕生
【紅磡美食】鰻魚飯比拼實測！三河屋/德美/尾張屋 邊間係鰻魚飯之霸？
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
