英超 ｜愛華頓達哥夫斯基又攞牌 正式登基成「黃牌王」

愛華頓後衛達哥夫斯基（James Tarkowski）於星期六創下歷史紀錄，領到其英超生涯第64面黃牌。這令佢正式成為英超史上從未領紅牌，但累積最多黃牌的球員，名符其實係「黃牌王」。

呢位32歲球員係葛迪遜公園球場對陣阿仙奴時，因一次對槍手左閘路易斯史基利（Myles Lewis-Skelly）的犯規而被出示黃牌，最終雙方1比1握手言和。

而這張破紀錄的黃牌，係繼星期三對利物浦一戰後再添一筆。當時達哥夫斯基因一次對麥亞里士打（Alexis Mac Allister）的「收山腳」，但只被黃牌警告。儘管英超裁判部門其後承認，應該將佢直接紅牌趕出場。

達哥夫斯基而家保持住一個獨一無二的紀錄：喺出戰301場英超比賽後，從未試過領紅。

整個職業生涯中，佢只曾領過一面紅牌，當時係為賓福特出戰英冠直紅被逐。

今季佢已經累積六張黃牌，正式超越前車路士及修咸頓中場路美奧（Oriol Romeu），以及前維拉後衛楊格（Luke Young），成為英超歷來累積最多黃牌而從未領紅的球員。

BBC為大家做左一個「黃牌王榜」，除左上述幾位外，仲有邊位球員係英超攞黃牌攞得比較叻。有啲係大家熟口熟面嘅名字，有啲就未必咁易諗起。