觀塘美食︱廠廈露天fusion餐廳 嘆酒香三黃雞 + 打卡香蕉花生醬croffle
觀塘廠廈處處是寶,平靚正餐廳就等你發掘,這日人迫人走到開源道街尾的大廈,乘𨋢而上,找到同區的口碑fusion菜西餐”Boon Cuisine”的姐妹店「本」。店主Grace看中舖位有個開揚的戶外位,希望這裡可以作為觀塘友放工後放鬆下,飲嘢傾計的聚腳店,因此叫「本」(Honbu),有本部,即總部之意。
【立即讚好】全新 Yahoo Food Facebook 專頁
菜式fusion風 有腐乳 又有蟲草花
「觀塘廠廈餐廳多,俾人舒服坐底傾計的卻不算多選擇,我哋設計餐廳時,都想把座位排得闊落,餐枱又刻意大一點,食物份量都比一般café food大,都係想大家放工後可以舒服食餐飯,傾下計。」Grace年多前於同區另一廠廈開設中檔fusion餐廳”Boon Cuisine”,今次開姐妹店,同樣找來出身法國菜的大廚班底助陣,同樣不走傳統路線走fusion風,所以在餐牌找找看,能夠找到油封鴨髀,封門柳等西餐食材,又同時找到腐乳(配漢堡包),明太子(配黑麥包)、蟲草花(配忌廉蘑菇湯)、三黃雞、甚至欖菜(配薯條),不拘一格。
招牌菜 酒浸三黃雞
別誤會菜式會四不像,味道配搭背後都下了功夫,招牌「三黃雞」,用足兩斤三兩重的雞半隻,以花雕酒調成的醉雞汁浸足兩日,最後才拿去烤焗,雞皮雞肉吸盡酒香;又如蟲草花,會連蘑菇加忌廉打入雞湯中,出來的湯其實沒太重蟲草花味,卻添了不少粒粒口感又更有益;南乳雞翼,用了本地南乳醬醃過再煎香,伴碟的雞翼醬也加了韓式元素,酸酸甜甜比平時吃慣的雞翼香口。
雖說餐廳走實力派,想打卡也有選擇,甜品中幾款croffle(牛角窩夫)賣相都落足心機,以牛角包夾成窩夫,上面唧上花生醬,加焦糖香蕉片,放上食用花,堆得高高,精緻好看。食得飽飽,叫杯以新鮮水果打成的沙冰,吃得出水果鮮味而非死甜,就是爽。
Honbu本
地址:觀塘開源道52-54 號豐利中心5樓509室(地圖按此)
電話:5967 0201
全新訂座平台「Yahoo訂餐廳×Openrice」正式上線!
更多觀塘美食推介
觀塘美食│觀塘工廈$60去骨豉油雞便當!酸菜魚湯底以豬骨雞骨熬足8小時
觀塘美食│鬧市露天餐廳2500呎室外場!超多打卡位+抵食巨型豬扒+心機甜品
觀塘美食|APM Food Court大翻新!推$10江戶前手握壽司+泰國米芝蓮推介金邊粉
觀塘美食│裕民坊YM2輕食店!打卡版鹹牛蛋治+花膠雞通粉+椰奶dirty
觀塘如心酒店新餐廳twist望住靚景食飯打卡一流 午餐四道菜只需$208
觀塘cafe│觀塘人氣精品café推介9間 坐得耐Coffee Shop/歐美工業風/吊燈加落地玻璃
【觀塘美食】觀塘漢堡包小店原隻鴨髀芝士漢堡 巨型烤吞拿魚扒漢堡
【觀塘美食】雞煲火鍋放題$98任食兩小時 霸氣老闆堅持絕不加價
【今晚食乜好】唔知今晚食乜餸?立即去Yahoo Food 食譜專頁搵靈感
>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!