雅虎香港新聞 鰂魚涌美食︱90後女生手握三餐廳 捱過疫市 除了堅持更靠一樣嘢
餐飲業寒冬，不少老字號餐廳、過江龍人氣食店紛紛結業，「香港餐飲聯業協會」表示全港近六成食肆都正被業主追租。縱然旅遊措施逐步放寬，小店看來還是逃不過小型冰河時期，今時今日仍能生存的餐廳，定必有其過人之處。90後女生Jasmine，年紀輕輕已經手握三家小店，賣牛角包的、賣咖啡的、做沙律的，共通點是都在疫情下開業，摸著石頭一步步走到今天，除了堅持，還憑什麼？
【立即讚好】全新 Yahoo Food Facebook 專頁
90後金融女 疫市下創業
Jasmine的餐飲之路，由銀行開始。於加拿大修讀金融，畢業後一直和不同公司合作，但不出四年，她便清楚這不是她起飛的航道:「當時我已經為離開金融業鋪路，自己一向鍾意煮嘢食，於是密集地搵不同餐廳資料，想入行。」 最終她選擇了於澳洲的「藍帶國際學院」修讀廚藝。
畢業後早午晚打三份工汲取經驗，朝早返cafe，中午返平民餐廳，晚上是fine dining，經驗值儲夠，回港剛好遇到尖沙咀一個心水舖位，加上當時咖啡師男朋友鼓勵 ，二人便合作開了第一間小店以健康有營養沙律為主打的Salfee Bar。站穩陣腳，再於鰂魚涌開餐廳Grotto，一年後再於將軍澳開牛角窩夫專門店Fifty Fifty:「我哋根本冇經歷過咩係正常，所有餐廳都喺疫情二三四五波下走過來。」Jasmine笑言。
外賣平台成奇兵 高峰時佔生意額四成
環境不尋常，經營手法更要靈活，Jasmine說當初她不太在意的外賣平台app如Deliveroo ，在逆市中就見奇效 :「好似年頭第五波最嚴重時，鰂魚涌無人返工，weekend人更少， 大概有兩個月時間，我哋索性星期六日唔做堂食，只做外賣，外賣app可以佔總生意額40%- 50%之多，算係救返餐廳嘅一個大水泡。」自此她更看重外賣市場：「而家請人都會考慮對方熟唔熟習用外賣機落單，因為鰂魚涌午市好爆，四五部機要一齊控制，每張單都好唔同，要快又要準，其實唔容易。」她說。
第五波下出便當飯 應對外賣市場
要調整的不只心態，還有菜式。特別是像Grotto的堂食餐廳 :「做個all day breakfast出嚟，由煮好，到送達客人手上，最快都三十分鐘，味道點都打折扣。或者有汁醬的意粉，送到客人屋企，都已經索哂汁，味道一定唔夠堂食理想。」因此在第五波高峰時，Jasmine設計了幾款便當飯，形式是一飯跟五餸，配料用上另一間餐廳Salfee Bar的健康菜式如吞拿魚蛋、韓式牛肉、西蘭花雞胸等，食物性質適合外賣，解決了外賣對食物質素的影響。
不怕辛苦 就捱得過
2022年來到近年尾，疫情最大威脅之時看似已過，手執三間餐廳都安然過度，Jasmine卻形容現時自己是未敢樂觀:「今年都係繼續完善餐廳為主，暫時唔會考慮擴張。」她強調不會太擔憂，面對現時社會經濟差，人更加「最緊要唔好怕辛苦，我每開一間餐廳都預咗要兩三個月守喺舖，企足全日，唔會有假期，所有嘢都自己學自己做，望返轉頭，其實就係咁，一步一步就捱過了疫情。」
Grotto
地址：鰂魚涌海澤街19號(地圖按此)
電話：3563 8935
延續閱讀：每月外賣app優惠比較！foodpanda優惠碼/Deliveroo promo code
全新訂座平台「Yahoo訂餐廳×Openrice」正式上線！
更多鰂魚涌美食推介
鰂魚涌午餐│太古坊KIN Food Halls開幕！可持續環保理念/人工智能制定餐單/超過200款菜式每週更新
鰂魚涌美食│親民價西日料理 爆料丼飯+抵食壽司拼盤+吸睛甜品
鰂魚涌美食│日本超過250間分店唐揚炸雞店登港 和風辣醬雞+鬆脆雞胸+炸雞便當
鰂魚涌美食│Lunch推介新鮮沙律bar+咖啡店！必飲紅菜頭latte
鰂魚涌美食│90後情侶網店起家後一年上舖！賣爆餡台式吐司 高峰日賣逾百份
鰂魚涌美食｜好叉好味又開分店 3款口味選擇焦蜜+柚香+辛麻 蜜汁叉燒杯飯極速沽清
【鰂魚涌美食】打工仔午餐推介10間！小娘惹喇沙+四川麻辣湯麵+減肥健康便當
【鰂魚涌美食】海光街高質西餐靚牛扒！酒店級大廚夫妻檔小店 街坊價歎新鮮肉扒
【鰂魚涌美食】性價比高石燒牛扒店！半自助式西冷和牛套餐味濃回香
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
