《爸爸去哪兒》15歲王詩齡獲媽媽李湘富養 一身名牌成為眾人羨慕對象 網民：投胎投得好

內地知名女主播李湘與前夫王岳倫育有一名女兒王詩齡，曾因參加內地親子真人騷《爸爸去哪兒》為人認識；然而，佢而家已經15歲，減走當年嘅嬰兒肥，加上被父母富養嘅成長環境下，成為眾人羨慕嘅女生。

李湘出身自富貴家族，爸爸喺湖南法院做副院長，媽媽則經營汽車集團，李湘自己亦有投資房產、創立娛樂公司及直播賣貨等等，住喺英國超大豪宅，因而有本錢將女兒王詩齡富養，有指王詩齡由出生至今，無論食同著都係用最好嘅，單單係買食材則已花費每年780萬。王詩齡坐勞斯萊斯出入、於豪華餐廳用膳，又一身名牌服裝及手袋，當中不乏高層訂款，比起同年齡嘅女生擁有物質上嘅優越。

李湘又安排王詩齡入讀英國讀貴族女子名校Benenden School，據悉每年學費超過43萬，校友包括英國安妮公主和賭王千金何超欣，亦有指佢所住嘅宿舍房就係當年英國安妮公主嘅房間。為培育女兒成材，李湘會帶王詩齡參觀大英博物館和凡爾賽宮等世界級文化地標，向其講述歷史故事，又鼓勵王詩齡多參加各類才藝活動，積極參與藝術活動和國際交流，以培養佢嘅藝術才能，並計劃安排女兒未來考入牛津大學藝術系。王詩齡曾於網上大晒自己所畫嘅油彩畫作，被指有大師風範；又曾於巴黎時裝週用流利英語與國際記者交流，相當厲害。唔少網民大讚王詩齡靚女又有才華，同時表示極羨慕佢：「沒白養，漂亮高貴又有才華，並沒有靠露出風頭」、「真好 也是投胎投得好，有福氣，上輩子做了很多好事，好棒」、「她都贏在起跑點了」、「小孩很優秀，連贏在起跑點的小孩都比我們努力」、「她的起點已經在別人的終點了」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！