姜大衛兒子姜卓文勇敢分享曾被欺凌 遭偷影下體感丟臉：站起來對抗欺凌

姜大衛（John哥）細仔姜卓文（細John）曾參與ViuTV選秀節目《全民造星II》，雖然48強止步，但仍有唔少演出機會，包括拍攝電影《梅艷芳》、《臨時劫案》、音樂劇《三少爺的劍》，以及與姜大衛父子檔上陣拍攝陳慧嫻新歌《陪伴》MV，發展不俗。日前，姜卓文於Podcast節目《Roll機》與好友梁德忠（Tank）、李雨蓒 （Edwynn）、Himtos分享曾被欺凌嘅經歷，被網民大讚佢勇於面對。

姜卓文表示自己啱啱喺加拿大返嚟香港嗰陣係肥仔，又唔講中文，因而被欺凌過：「咁嗰時就有一個人就同我有啲唔啱嘅，去到中二啦，佢就有兩個好close嘅，佢哋又好welcome我入佢哋個group，幾個月之後我就feel到佢哋有轉變，bully我啦，挑撥離間啦。」對方更性騷擾及影埋姜卓文相：「tipping point嗰樣嘢就係佢哋去咗我屋企玩，我就喺房度同埋佢另一個朋友，其中一樣佢嗰時會寸我嘅嘢，就係『X唔到旗』，跟住佢話你『你打到，你打畀俾我睇吖！你睇吓，我得㗎！』，跟住就喺我面前打X機，咁已經係一個變態嘅行為啦，係咪先？佢話『你得唔得呀？』，跟住我就除咗條褲，坐咗喺電腦面前，『咔嚓』。佢影咗我相，跟住第二日返學就唔同晒喇，我成個life就唔同咗。佢send晒出去呀！呢啲先叫丟臉吖嘛。」Tank和Edwynn聽到爆晒粗，直斥好想打對方。

對於姜卓文嘅經歷，唔少網民大讚佢好勇敢：「唔止係bullying，根本已經係犯罪行為，細John可以重新面對放下，好叻好勇敢」、「叻」、「嘉許你勇敢面對，同放下過去」等等；有網民留言指覺得姜卓文嘅經歷好慘，但姜卓文就回應指：「人生課題黎嘅」，姜卓文又喺IG限時動態感謝網民對佢嘅關心：「站起來對抗欺凌！你永遠不會知道別人經歷了什麼，也不知道你的言語、舉動如何影響別人的一生。感謝你們溫暖的留言，我現在已是個更好、更強壯的人，我喜歡我的生命，我的朋友和家人。最重要的是，我喜歡我自己！」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！