李珊珊患情緒病仍要吃藥 亮相做直播談笑風生 宣布重返社會：無諗過轉行
1996年港姐冠軍李珊珊於5年前為「精神健康基金會」擔任「傳晴大使」拍攝宣傳片，首次公開承認患驚恐症，透露早於2017年已飽受情緒病折磨，嚴重時會肚瀉嘔吐、冒冷汗，甚至休克。去年10月22日正式復出，宣布成立YouTube頻道「三坐山」（Mount Trio）。
頻道成立了3個月，李珊珊終於正式亮相，除了與男主持「竹節蟲」（竹社長）做直播，更與精神科專科醫生劉英傑對談，接連上載2段影片，顯示終於正式重新在幕前亮相。珊珊表示目前雖然仍要吃藥，但份量已較高峰期大減八成，又更表明「無諗過轉行」。
談及為何選擇這個時後重新亮相，以及患病時有否想過轉行？珊珊即斬頂截鐵表明「我無諗過轉行」。她指自己18歲入行，已很難離開這行業（娛樂圈），指自己的能力和學歷所限，是注定要在此行繼續做下去，又指過去數年雖然「收埋自己」，但仍會透過互聯網接觸世界，看了很多資訊，包括新聞、影評、煮食節目，「我乜嘢都睇」，所以沒有跟社脫節。
珊珊的身型明顯有點肥腫，但她毫不在意，稱已做好心理準備，既然踏出這一步，就已預計要面對haters，她接受自己樣貌與身形的改變，「我直頭覺得今次見大家係一個解脫嚟㗎，因為大家唔好再去估，或諗以前我個樣，或者點樣身形。今次大家見到我，係畀大家知道，我活到48歲嘞，我今年沖太歲，係蛇年，呢個就係我人生階段，而家嘅李珊珊就係咁嘞。如果大家懷念以前嘅李珊珊，可以上網搵返，所以你唔使懷念」。
談及病情，珊珊表示「我係需要繼續努力，同埋仲係食緊藥，慢慢減緊藥，由最高峰時間，已經減咗80%度，而家20%希望保持住」，她又形容自己體內像有一隻小黑狗，雖然牠現時很乖，但人生總會遇到壓力，牠可能會突然變成狼狗，所以仍要吃藥控制，至於何時康復，就要交給醫生觀察。
