45歲胡杏兒轉戰內地發展 坦承已經無女一做 唔介意演女三和老太婆

胡杏兒與圈外老公李乘德（Philip）於2015年結婚，育有大仔李奕霆（Brendan）、二仔李奕霖（Ryan）及細仔李奕宏（Liam），胡杏兒除咗照顧家庭，更加將工作重心移到內地，參與《親愛的客棧2》、《演員請就位2》、《乘風破浪的姐姐3》等多個綜藝節目拍攝，以及接拍劇集，包括《那年花開月正圓》、《換樂無窮》、《親愛的生命》、《惜花芷》等等。胡杏兒曾於內地節目《送一百位女孩回家》中大談自己面臨演員困境，坦承無出演女主角嘅機會。

胡杏兒為1999年度香港小姐季軍，入行後出演過近百部影視作品，2011年除咗得到「非凡風采女藝員」獎項，更憑劇集《萬凰之王》中「佟佳•沅宛」一角奪得「最佳女主角」，以及憑《怒火街頭》「王思苦」一角勇奪「我最喜愛的電視女角色」，成為三料視后。胡杏兒曾接受內地節目《送一百位女孩回家》訪問，直言而家已經無女一做：「沒有女一演了現在，我覺得很難。」續指，過往已演過好多乏味嘅女一角色，指其實唔一定要去演女一；對比女一，情願演一個有趣嘅角色，就算係女二、女三、老太婆都可以接受。胡杏兒又曾提及，覺得演員係一份好有趣嘅工作，唔同年齡階段可以飾演唔同角色，覺得自己好幸運。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！