張致恆雯雯一家再被網友指控「扮窮」 全家一人一iPhone 一年入迪士尼幾轉？

張致恆Steven同老婆雯雯（區燕雯）2019年奉子成婚後，屢次成為新聞人物。Steven被公開追債，演出工作欠奉於是要打地盤同渠務工養家，而雯雯不時出post投訴老公，又暗示屋企經濟欠佳。早幾日張致恆出post指公司提早收爐，向網友尋求part time打工機會；而雯雯就一如以往咁呻屋企冇飯開，更寫道「真係可以成家跳樓」，唔少網民相當擔心。

不過那邊廂有網民post出影到疑似Steven同雯雯搭車外出嘅相，並指Steven、雯雯以至佢地4個仔一人一部iPhone手機，指控有人成日呻窮。同時亦有網民post出雯雯同2個仔去迪士尼嘅相，力指Steven一家成日去迪士尼，又話Steven同雯雯請到工人姐姐足證有一定積蓄，而且不時見到佢地出外用膳云云。

但該張雯雯同2個仔去迪士尼嘅相，係由雯雯過去嘅vlog截圖，如果係扮窮應該唔會拍片畀人知。另外有網民指，雯雯曾經自爆大仔精力充沛需要「放電」，於是有善心人贊助張致恆一家迪士尼入場年票。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！