30歲雷莊𠒇五度參加選美 再代表香港出戰菲律賓狀態大勇獲亞軍
現年30歲嘅雷莊𠒇（Juliette）喺2017年參選香港小姐，勇奪「冠軍」及「最上鏡小姐」獎項，不過被指有強勁後台先會得獎，又因齙牙及健康膚色被抨擊，被封為「最醜港姐」，翌年代表香港參選國際中華小姐競選得到季軍，不過卸任後拒絕與TVB續約，選擇回加拿大擔任模特兒和演員，發展順利，曾為當地連鎖烤雞餐廳拍攝廣告、拍攝短片《& Cut》、Amazon Prime Video《Three Pines》及Netflix劇集《The Recruit》等等。
熱愛選美嘅雷莊𠒇，先後參選香港小姐、國際中華小姐、Miss Face of Humanity 2022、環球小姐2024香港區選美大賽，最新佢就出戰喺菲律賓舉行嘅《環球華裔先生小姐選美大賽》，最終佢成功勇奪亞軍，而冠軍及季軍分別由菲律賓佳麗Khryss Nichole Go及澳洲佳麗Jenina Lui奪得。當晚雷莊𠒇狀態大勇，全程笑容滿面。
之後，佢亦有喺社交網站出PO表示自己很榮幸可以代表香港出賽，雖然佢仲喺疲憊中恢復，不過一切都係好值得的。起初，佢決定參加比賽係為咗不斷嘅自我提升、熱愛到菲律賓旅行及尋找新挑戰。佢熱愛參加呢類國際比賽，亦令佢認識到令人難以置信、堅韌不拔、有才華、內外兼備嘅人，並同佢哋成為真正嘅朋友。最後佢多謝大家授予佢榮譽稱號，及認可佢嘅努力。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
