「聲夢小花」趙小婷開創教育平台售$699 DSE摘星筆記 惹網民熱議

TVB歌唱選秀節目系列《聲夢傳奇》造就出多位歌唱新星，2022年曾參加《聲夢傳奇2》嘅趙小婷（Pamela）憑清秀外貌及唱功奪得第五名及「優秀表現獎」，及後簽約TVB。趙小婷現時就讀香港大學內外全科醫學士，曾表示唔容許自己因為音樂犧牲讀書，但亦唔會放棄音樂。縱然星途發展平平，但趙小婷堅持音樂夢，不時於街頭busking演唱。佢又運用社交平台與網民交流，除咗分享自彈自唱片段，更大談醫科生日常、教授升grade策略及DSE心得等等，有網民大讚趙小婷所分享嘅背書方法相當有效，日前趙小婷公開出售DSE筆記，每份標價$699，惹網民熱議。

趙小婷現時夥拍星級狀元好友古冰心開創教育平台「星邁教育」，希望可以幫到更多學生，尤其係DSE生，幫助考生們應對難捱嘅一關。趙小婷出售自己當年經濟科連續三年全級第一、DSE考獲5**嘅摘星筆記，筆記中寫滿讀書時嘅重點，不過有網民質疑定價太高，又指趙小婷已考完DSE 5年時間，懷疑該筆記內容是否貼近試題：「 佢本筆記當初係俾自己睇，人哋筆記你都未必啱睇同識睇喇」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！