中年好聲音3｜張與辰僅輸「女大魔王」黃博以97分屈居第二成MVP 演繹搖滾風獲「香港結他之神」伴奏錦上添花

《中年好聲音3》23日播出一集是24強晉身20強「搶分戰」下回合，本集共有7位參賽者獲得9 字頭分數，分別為張與辰《開門見山》、羅逸軒《戲劇人生》、陳嘉琦《自作多情》、善玥澄《愛》、陳芷盈《So You Would Come》、黃博《不必在乎我是誰》及王鄭浚仁《飛機場的10:30》，當中早已被周國豐封為「女大魔王」的黃博更奪得98分超高分數，再度為《中年3》創出新紀錄。

肥媽＋黎瑞恩被爆似fans

而第二高分的張與辰獻唱《開門見山》獲得97分，同樣贏盡全場拍掌聲，高3分揮低陳芷盈。今次他罕有跳出框框演繹搖滾歌曲，配合rock爆眼線，甚有前樂隊Mr.主音布志綸影子，他直言：「希望畀大家睇到我都有團火係未爆出嚟，今日爆出來畀大家睇！」周國豐指張與辰是次的演出，台風帶著美國搖滾歌手Adam Lambert感覺：「你係可以走黑暗狂野路線，呢幾個回合對張與辰嚟講，其實係你自己嘅訓練場，要foul你係冇乜可能。」他還笑指肥媽和黎瑞恩似足fans一樣聽得投入。現場live band由「香港結他之神」蘇德華擔任結他手，伍樂城直言參賽者能與蘇德華有火花互動略有難度：「要本身個人好有音樂感先做到， 個滑音滑入去，嗰度做得好好。」張佳添也指有蘇德華伴奏，為張與辰演出錦上添花：「我哋少見呢種咁正嘅互動，嗰種星味同壓台感，（喺《中年》）從未見過。」肥媽直言不似在看比賽：「直情喺度睇緊rock騷呀！」