東張西望｜劉太因汗蒸幕影相打卡滯留濟州多月終返港 劉生一舉動勁爆笑
TVB綜合資訊節目《東張西望》一向報道娛樂圈最新動態及緊貼追蹤社會大事，所揭發嘅時事、社會及民生問題引起關注。噚晚（23日）就報道劉太喺上年7月跟團去濟州旅行，期間喺汗蒸幕影相打卡，不過影到其他客人裸露嘅照片，即場被捕兼滯留當地等檢控通知，而滯留濟州8個月嘅劉太終可回港，節目組派出東張新晉女神俞可程（Yanis）前往機場採訪。
喺報道中，劉生與劉太好友前往機場接機，劉太更激動與好友擁抱，劉太喺接受訪問時表示既開心又激動，及多謝《東張西望》幫助。之後俞可程問及劉生心情，劉生就話心情激動。喺接受訪問期間，劉生不停拎住電話，而俞可程Threads粉絲專頁搞笑出PO表示「呢段片可以睇到劉生不斷想同Kanis影相，似係重要過接老婆返到香港」，有網民就覺得佢只係同屋企人或者朋友視像緊，不過亦有網民搞笑留言話「劉生好幸福 同一日接完老婆 又同埋東張女神瘋狂影相」、「我贊助劉生一牌燈牌，等下一次再出事之後接老婆機用」、「嘩！佢好想同Kanis影相wo」、「我都想同Kanis影合照」、「其實個老婆坐咁耐都係慘嘅 不過原來唔止個老婆鍾意影相，個老公都鍾意影相......都係冇嘢了...... 」、「咁咪岩哂囉 兩公婆都咁中意影相 簡直天生一對 」、「笑死 😆開頭以為佢同屋企人face time緊」、「So funny」及「你完全唔會明白，呢個係劉生最後既自由一分鐘」等等。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
